૨૩ ઓક્ટોબરના રોજ વડિયા અને બાબરાના ધરાઈ ખાતે સેવાસેતુ કાર્યક્રમ યોજાશે

આધાર કાર્ડ, રેશન કાર્ડ, બેન્કિંગ સેવાઓ, વિવિધ દાખલાઓ અને પ્રમાણપત્રો જેવી સેવાઓ સ્થળ પર જ મળી શકશે

સરકાર આપને દ્વારના સૂત્રને ખરા અર્થમાં ચરિતાર્થ કરવા આધાર કાર્ડ, રેશન કાર્ડ, બેન્કિંગ સેવાઓ, આવક અને જાતિના દાખલાઓ, વરિષ્ઠ નાગરિક પ્રમાણપત્રો જેવી અનેકવિધ પ્રજાલક્ષી સેવાઓ સ્થળ પર જ આપવાના હેતુથી સેવા સેતુ કાર્યક્રમનો સાતમા તબક્કાની શરૂઆત કરવામાં આવી છે. તો સૌ નાગરિકોને આ કાર્યક્રમનો વધુમાં વધુ લાભ લેવા જિલ્લા વહીવટી તંત્ર દ્વારા અનુરોધ કરવામાં આવે છે. આજે વડિયા ખાતે યોજાનાર સેવસેતુ કાર્યક્રમમાં જિલ્લા પંચાયતના પ્રમુખ સુશ્રી રેખાબેન મોવલિયા અને બાબરાના ધરાઈ ખાતે યોજાનાર કાર્યક્રમમાં બાબરા તાલુકા પંચાયતના પ્રમુખ શ્રી ભરતભાઈ બુટાણી ઉપસ્થિત રહેશે.