27 વર્ષથી ગુજરાતમાં ભાજપ સરકારે શું કર્યુ? હું ગુજરાતમાં સ્કૂલો જોવા આવીશ- મનીષ સિસોદિયા

ગુજરાતમાં શિક્ષણ મંત્રી જીતુ વાઘાણીના નિવેદનને લઇને રાજકારણ ગરમાયેલુ છે. વિવાદ થયા બાદ જીતુ વાઘાણીએ પોતાનો બચાવ કર્યો હતો. હવે આમ આદમી પાર્ટીના મનીષ સિસોદિયાએ ભાજપ પર પ્રહાર કર્યા છે. મનીષ સિસોદિયા ગુજરાતમાં સ્કૂલની સ્થિતિ ચકાસવા માટે આવશે.

મનીષ સિસોદિયાએ કહ્યુ કે, 27 વર્ષથી ગુજરાતમાં ભાજપ સરકારે શું કર્યુ? હું ગુજરાતમાં સ્કૂલો જોવા જવાનો છું. દિલ્હીના શિક્ષણ મંત્રી મનીષ સિસોદિયા સોમવારે ગુજરાત આવશે. જીતુ વાઘાણીના નિવેદન પર મનીષ સિસોદિયાએ પ્રહાર કર્યા હતા.

શિક્ષણ મંત્રી જીતુ વાઘાણીએ કહ્યુ હતુ કે જે લોકો રાજ્યની શિક્ષણ પ્રણાલીથી નારાજ છે તેમણે પોતાના બાળકોને ગુજરાત બહાર લઇ જવા જોઇએ. આ વાત પર મનીષ સિસોદિયાએ પ્રહાર કર્યા હતા. મનીષ સિસોદિયાએ ટ્વીટ કરીને કહ્યુ હતુ કે- ગુજરાતના શિક્ષણ મંત્રીએ ગુજરાતના લોકોને ધમકી આપી છે, જેને સારૂ શિક્ષણ જોઇએ, તે દિલ્હી જતો રહે.

ભાજપ 27 વર્ષમાં પણ સારૂ શિક્ષણ આપી શક્યુ નથી. લોકોને ગુજરાત છોડીને જવાની જરૂરત નથી. લોકો ગુજરાતમાં આપની સરકાર બનાવશે અને ગુજરાતમાં પણ દિલ્હી જેવુ સારૂ શિક્ષણ હશે.