બાગાયત ખાતાની વિવિધ યોજનાઓનો લાભ લેવા ખેડુતોએ ૩૦ સપ્ટેમ્બર સુધીમાં આઇ-ખેડૂત પોર્ટલ પર અરજી કરવી

બાગાયત ખાતા દ્વારા ચાલતી વિવિધ યોજનાઓની સહાય મેળવવા ઇચ્છુક ખેડુતો માટે આઇ-ખેડૂત પોર્ટલ મારફતે ઓન લાઇન અરજી ૩૦/૯/૨૦૨૧ સુધી સ્વીકારવામાં આવનાર છે. જે માટે ખેડુતો બાગાયત ખાતાની વિવિધ યોજનાઓ હાઇબ્રીડ બિયારણ વેલાવાળા શાકભાજી માટે કાચા મંડપ, અર્ધ પાકા, પાકા મંડપ, ડ્રીપ ઇરીગેશન માટે પાણીના ટાંકા ટીસ્યુકલ્ચર ખારેકની ખેતી, ફળ પાક વાવેતર (આંબા,લીંબુ,દાડમ, જામફળ, સીતાફળ વિગેરે) ફળપાક પ્લાન્ટીંગ મટીરીયલ્સ વેલાવાળા શાકભાજીના ટીસ્યુલ્ચર રોપા ગ્રીનહાઉસ તથા ટીસ્યુ લેબ વીજદર સહાય, ઔષધિય સુગંધિત પાકોના વાવેતર તેમજ ડીસ્ટીલેશન યુનિટ, દેવીપુજક ખેડુતોને તરબુચ ટેટી શાકભાજી માઇકોમ્યુટ્રીયન્ટ બિયારણ કીટ, કોલ્ડ રૂમ, રાઇપનીંગ ચેમ્બર, મીનીમલ પ્રોસેસીંગ યુનિટ, કોલ્ડ સ્ટોરેજ, કેળ (ટીસ્યુ), પપૈયા, પ્લગ નર્સરી,નાની નર્સરી,મસાલા પાક(જીરૂ),સ્વયં સંચાલિત બાગાયત મશીનરી પેલીહાસ નેટહાઉસમાં સોઇલલેશ કલ્ચર માટે, ટુલ્સ ઇકવીપમેન્ટ શોર્ટીંગ, ગ્રેડીંગના સાધનો(વજનકાંટો તાડપત્રી) સહાય ઘટકો માટે ઓન લાઇન અરજી કરી જરૂરી સાધનીક પુરાવા સાથે નાયબ બાગાયત નિયામકની કચેરી, સરદાર ચોક, ચક્કરગઢ રોડ, અમરેલીના સરનામે મોકલી આપવા જણાવવામા આવે છે. અરજી કરવા માટે http://ikhedut.gujarat.gov.in વેબસાઇટનો ઉપયોગ કરવાનો રહેશે. અરજી કરતી વખતે ખેડુત ખાતેદારે ૭, ૧૨, ૮-અ, બચત બેંક ખાતા, આધાર કાર્ડ તથા મોબાઇલ નંબરની વિગતો વગેરે પુરાવા સાથે રાખવા જરૂરી છે. આ અંગે વધુ માહિતી માટે અમરેલી નાયબ બાગાયત નિયામકશ્રીની કચેરીનો ફોન નં. ૦૨૭૯૨-૨૨૩૮૪૪ ઉપર સંપર્ક સાધવાનો રહેશે.