બાબાપુર જવાહર નવોદય વિદ્યાલયમાં ધો. ૬ માં પ્રવેશ માટે ૩૦ નવેમ્બર સુધી ઓનલાઇન અરજી કરી શકાશે

અમરેલી જવાહર નવોદય વિદ્યાલય એ ભારત સરકારના માનવ સંશાધન વિકાસ મંત્રાલય, શિક્ષણ વિભાગ હસ્તક ચાલતી એક સ્વાયત સંસ્થા છે. જેમાં ધોરણ-૬ માં શૈક્ષણિક વર્ષ ૨૦૨૨-૨૦૨૩માં પ્રવેશ મેળવવા માટેની પ્રવેશ પસંદગી પરીક્ષા તા.૩૦/૦૪/૨૦૨૨ના વિવિધ પરીક્ષા કેન્દ્રો પર લેવામાં આવનાર છે. આ માટે પ્રવેશ પરીક્ષા અંગેના અરજીપત્રકો ઓનલાઇન ભરવાની છેલ્લી તા.૩૦/૧૧/૨૦૨૧ છે. આ પ્રવેશ પરીક્ષામાં ભાગ લેવા ઇચ્છતા હાલ શૈક્ષણિક વર્ષ-૨૦૨૧-૨૦૨૨ માં જિલ્લાની સરકાર માન્ય શાળામાં ધોરણ-૫માં અભ્યાસ કરતાં અને અન્ય જરૂરી લાયકાત ધરાવતા ઉમેદવારો તા.૩૦/૧૧/૨૦૨૧ સુધી ઓનલાઇન અરજી કરી શકશે. પરીક્ષા અંગેના ઓનલાઇન અરજીપત્રકો જવાહર નવોદય વિધાલયની વેબસાઇટ www.navodaya.gov.in પરથી ભરી શકાશે. વધુ માહિતી મેળવવા માટે જવાહર નવોદય વિદ્યાલય બાબાપુરનો સંપર્ક કરવાનો રહેશે.