દેશમાં કોલસાની વધતી માંગ અને વિજળી સંકટની વચ્ચે કેન્દ્રીય પર્યાવરણ મંત્રાલયે ખનનના વિસ્તારની પરિયોજનાના અનિવાર્ય નિયમોને ઢીલ આપી દીધી છે. પર્યાવરણવિદ્દોએ મંત્રાલયના આ નિર્ણયની આલોચના કરી છે, કારણ કે કોલસા મંત્રાલય કહી રહ્યું છે કે, દેશમાં કોલસાની કોઈ કમી નથી.
વિજળીની વધતી માંગની વચ્ચે કોલસા સંકટ ચાલી રહ્યું છે. આ દરમ્યાન કોલસા ખનન પરિયોજનાઓના વિસ્તાર માટે પર્યાવરણ મંત્રાલયે મોટો નિર્ણય લીધો છે. સંશોધિત નિયમો અનુસાર, હવે પર્યાવરણીય મંજૂરીની સાથે કોલસાની ખાણોનો 40 % સુધી વિસ્તાર કરવામાં આવશે. હવે કોઈ પર્યાવરણીય પ્રભાવ વગર આકલન અને સાર્વજનિક પરામર્શનો 50 % સુધી વિસ્તાર કરવામાં આવી શકાશે.
પર્યાવરણ મંત્રાલય દ્વારા 7 મેના જાહેર કરવામાં આવેલ આદેશમાં કહેવામાં આવ્યું કે, આ નિર્ણય કોલસા મંત્રાલય દ્વારા દેશમાં કોલસાની ઘરેલૂ આપૂર્તિ ઓછી થવાને લઈને જતાવવામાં આવેલ ચિંતાને ધ્યાનમાં રાખી કરવામાં આવ્યો છે. આદેશમાં કહેવામાં આવ્યું છે કે, કોલસા મંત્રાલયના આગ્રહ બાદ તમામ ક્ષેત્રો માટે ઘરેલૂ કોલસા આપૂર્તિ વધારવા માટે આ નિર્ણય લેવામાં આવ્યો છે. કોલ બ્લોગમાં ઉપસ્થિત ભંડોળની સ્થિતિને જોઈને વિસ્તાર પરિયોજનાઓને પરવાનગી આપવામાં આવશે.
પર્યાવરણ મંત્રાલયે કહ્યું કે, કોલસા ઉત્પાદન ક્ષમતાને મૂળ ઈસી ક્ષમતાના 50 % સુધી વધારવા માટે સશર્ત પરવાનગી આપી છે. શર્ત એ છે કે. ખનન પરિયોજનાનો વિસ્તાર ખાણમાં ઉપસ્થિત કોલસા ભંડાળ અનુસાર કરવામાં આવશે. આ વિસ્તાર આદેશ જાહેર થયા બાદ આગામી 6 માસ સુધી માટે લાગૂ રહેશે.
કોલસા મંત્રાલયે ઘણી વખત કહ્યું હતું કે, હાલ વિજળી સંકટ કોલસાની કમીના કારણે નહીં, પરંતુ રાજ્યો દ્વારા કોલ ઈન્ડિયા લિમિટેડની બાકીની રકમની ચૂકવણી નહીં કરવા, કોલસા ઉઠાવવામાં મોડુ અને નબળી પરિયોજનાના કારણે ઉભું થયું છે.
Recent Comments