ભાવનગરમાં મતદાન જાગૃતિ સંદર્ભે રવિવારે અલગ અલગ સ્થળોએ શેરી નાટક યોજાશે

ભાવનગરમાં મતદાન જાગૃતિ સંદર્ભે આજે તા. ૨૦ ને રવિવારના રોજ અલગ અલગ જાહેર સ્થળોએ સાંજે ચાર વાગ્યાથી શેરી નાટક યોજીને લોકોને મતદાન કરવા અંગે જાગૃત કરવામાં આવશે.

રવિવારે સાંજે ૪:૦૦ કલાકે વિક્ટોરિયા પાર્ક પાણીની ટાંકી પાસે, સાંજે ૫:૩૦ કલાકે હિમાલયા મોલ ખાતે, તેમજ સાંજે ૬:૦૦ વાગ્યે અકવાડાલેક ફ્રન્ટ ખાતે સીદસર મોડલ સ્કૂલની વિદ્યાર્થીનીઓ દ્વારા સુંદર નાટકની પ્રસ્તુતિ કરવામાં આવશે.

રવિવારે સાંજે લોકો અલગ-અલગ સ્થળોએ ફરવા જતા હોય છે ત્યારે મતદાન કરવા અંગે શેરી નાટક જોઈને જાગૃત થાય એ હેતુથી અવસર થીમ અંતર્ગત કાર્યક્રમો યોજાશે.