કંપની કરાવતી હતી ઓવરટાઈમ, યુવતી પહોંચી ગઈ કોર્ટ, સંભળાવ્યો જાેરદાર ર્નિણયછોકરી ઓવરટાઇમને કારણે તેની કંપની પર ગુસ્સે થઈ

હાલમાં જ ચીનથી આવો જ એક કિસ્સો સામે આવ્યો છે. જ્યારે એક છોકરી ઓવરટાઇમને કારણે તેની કંપની પર ગુસ્સે થઈ ગઈ હતી. છોકરીને ઓવરટાઇમ કામ કરવાની ફરજ પાડવામાં આવી જે બાદ તે કોર્ટમાં ગઈ. વાસ્તવમાં આ ઘટના ચીનની એક આઈટી કંપની સાથે જાેડાયેલી છે. ટાઈમ્સ યુકેના એક રિપોર્ટ અનુસાર, આ કંપનીમાં કામ કરતી એક છોકરી પાસે સતત ઓવરટાઈમ કરાવવામાં આવતો હતો. કામ પૂરું કર્યા પછી પણ તેને મેસેજ અને ઈમેલ મોકલવામાં આવતા હતા. એક વર્ષમાં બે હજાર કલાકથી વધુ ઓવરટાઇમ કામ કરવાનો દાવો કર્યા પછી, આ છોકરી અચાનક કોર્ટમાં પહોંચી ગઈ. તેણે પોતાના તમામ દસ્તાવેજાે કોર્ટ સમક્ષ રાખ્યા હતા.

આ પછી, કોર્ટે મહિલા કર્મચારીની તરફેણમાં ચુકાદો આપ્યો અને એમ્પ્લોયરને કામના વધારાના કલાકો માટે વળતર ચૂકવવાનો આદેશ આપ્યો. કોર્ટે ચુકાદો આપ્યો છે કે, આઈટી કંપની આ યુવતીને ત્રીસ હજાર યુઆન એટલે કે લગભગ ૩.૫૫ લાખ રૂપિયા ચૂકવશે. યુવતીએ દાવો કર્યો હતો કે તેણે એક વર્ષમાં ૨૦૦૦ કલાકથી વધુ કામ કર્યું હતું. આમાંથી મોટા ભાગનો સમય મેસેજનો જવાબ આપવામાં પસાર થાય છે. તેની ટિપ્પણીમાં, કોર્ટે એમ પણ કહ્યું કે કંપનીએ શક્ય તેટલી વહેલી તકે તેની ભરપાઈ કરવી જાેઈએ. અન્ય એક અહેવાલ મુજબ છોકરીના પક્ષમાં કોર્ટના ર્નિણયને ચીનના મજૂર વર્ગની મોટી જીત માનવામાં આવી રહી છે. નોંધપાત્ર વાત એ છે કે, ચીનમાં શ્રમ કાયદાનું ભાગ્યે જ પાલન થાય છે અને કર્મચારીઓ શોષણનો ભોગ બને છે. એટલા માટે આ ર્નિણય પોતાનામાં ખૂબ જ ખાસ માનવામાં આવી રહ્યો છે.