વિપક્ષની બેઠકમાં મલ્લિકાર્જુન ખડગેનું મોટું નિવેદન : “કોંગ્રેસ વડાપ્રધાન પદની રેસમાં નથી”

લોકસભા ચૂંટણી ૨૦૨૪ માટે એક થઈ રહેલા વિપક્ષી છાવણીમાંથી મોટા સમાચાર સામે આવ્યા છે. કોંગ્રેસ અધ્યક્ષ મલ્લિકાર્જુન ખડગેએ બેંગલુરુમાં આયોજિત બેઠકમાં વડાપ્રધાન પદને લઈને નિવેદન આપ્યું હતું અને કોંગ્રેસને તેની રેસથી દૂર હોવાનું જણાવ્યું હતું. વિપક્ષી એકતાની કવાયત શરૂ થઈ ત્યારથી જ આ સવાલ પૂછવામાં આવી રહ્યો હતો કે નરેન્દ્ર મોદી સામે કોણ ઊભું રહેશે, હવે કોંગ્રેસ પીએમ પદની રેસ પર પોતાનું સ્ટેન્ડ ક્લિયર કરતી જાેવા મળી રહી છે. કોંગ્રેસ અધ્યક્ષ મલ્લિકાર્જુન ખડગેએ વડાપ્રધાન પદને લઈને મહત્વનું નિવેદન આપ્યું છે. મલ્લિકાર્જુન ખડગેએ કહ્યું કે, હું એમકે સ્ટાલિનના જન્મદિવસ પર ચેન્નાઈમાં પહેલા જ કહી ચૂક્યો છું કે કોંગ્રેસને સત્તા કે વડાપ્રધાન પદમાં રસ નથી. આ બેઠકનો હેતુ માત્ર સત્તા મેળવવાનો નથી, તે બંધારણ, લોકશાહી અને સામાજિક ન્યાયને બચાવવાનો પ્રયાસ છે. વિરોધ પક્ષોની બેઠકમાં મલ્લિકાર્જુન ખડગેએ આ સંગઠનના એજન્ડા પર વાત કરી હતી. મલ્લિકાર્જુન ખડગેએ કહ્યું કે અમે જાણીએ છીએ કે રાજ્ય સ્તરે અમારી વચ્ચે ઘણા મતભેદો છે, પરંતુ આ વિચારધારાની લડાઈ નથી. આ તફાવતો એટલા મોટા નથી કે તેને દૂર કરી શકાય નહીં. આ મતભેદો બેરોજગારી, મોંઘવારી, યુવાનો પરના અત્યાચાર માટે ઉકેલી શકાય છે. કોંગ્રેસ અધ્યક્ષે કહ્યું કે અમારી અહીં ૨૬ પાર્ટીઓ છે, ૧૧ રાજ્યોમાં અમારી સરકાર છે. ભાજપે પોતાના દમ પર ૩૦૩ બેઠકો જીતી ન હતી, પરંતુ તેણે તેના સહયોગીઓના વોટ શેર પણ જીત્યા હતા અને સત્તામાં આવી હતી. આજે ભાજપ અલગ-અલગ રાજ્યોમાં પોતાના સાથી પક્ષોને એકસાથે લાવવામાં વ્યસ્ત છે. બેંગલુરુમાં આ સંયુક્ત બેઠકમાં મલ્લિકાર્જુન ખડગેએ પણ કેન્દ્ર સરકાર પર નિશાન સાધ્યું હતું. ખડગેએ કહ્યું કે આજે દરેક સંસ્થાને નિશાન બનાવવામાં આવી રહી છે. સીબીઆઈ, ઈડી, ઈન્કમટેક્સ સહિત અન્ય એજન્સીઓનો ઉપયોગ કરવામાં આવી રહ્યો છે. રાજકારણીઓ પર ખોટા કેસ કરીને તેમને પકડવામાં આવી રહ્યા છે. એટલું જ નહીં, આપણા સાંસદને સસ્પેન્ડ કરાવવા માટે બંધારણીય સંસ્થાઓનો પણ સહારો લેવામાં આવી રહ્યો છે.