પત્નીને સાથે રાખી દારુની હેરાફેરી કરતો કોન્સ્ટેબલ ઝડપાયોવલસાડની પારડી પોલીસ ટીમ દ્વારા એસઆરપીના કોન્સ્ટેબલને ઝડપી લેવાયો

કોઈને શંકા ના જાય એ માટે થઈને પોલીસ કર્મીએ અનોખો કિમિયો અપનાવીને દારુની હેરાફેરી કરતો ઝડપાયો છે. વલસાડના પારડી પોલીસ ટીમ દ્વારા એસઆરપીના કોન્સ્ટેબલને ઝડપી લીધો છે. એસઆરપી કોન્સ્ટેબલ પોતાની સાથે પત્નિને સાથે રાખતો હતો અને દારુની હેરાફેરી કરતો ઝડપાયો હતો. સામાન્ય રીતે ચેકિંગ દરમિયાન મહિલા સાથે કારમાં એટલે વ્યવહારમાં મદદરુપ થઈને સરળતા દાખવતી હોય છે. પોલીસની આ ભાવનાનો જ ગેરફાયદો ઉઠાવતા આરોપી કોન્સ્ટેબલે પોતાની પત્નિને સાથે કારમાં રાખીને દારુની હેરફેર કરવા જતા જ પકડાઈ જવા પામ્યો છે. પોલીસને બાતમી મળવાને લઈ એક કારને રોકીને તલાસી લેતા તેમાંથી દારુનો ઝથ્થો મળી આવ્યો હતો. આરોપી હિતેષ ચૌહાણ પત્નિ અલકા ચૌહાણને સાથે રાખીને કારમાં દારુની હેરાફેરી કરતો હોવા દરમિયાન ઝડપાયો છે. આરોપી કોન્સ્ટેબલ હિતેષ ચૌહાણ વાવ ખાતે એસઆરપીમાં ફરજ બજાવે છે. પારડી પોલીસે પતિ અને પત્નિને ઝડપી લઈને ગુનો દાખલ કરી તપાસ શરુ કરી છે.