પાલનપુરમાં ૨૩ વર્ષના યુવકે હાર્ટએટેક આવતા જીવ ગુમાવ્યો

રાજ્યમાં હ્રદયરોગના હુમલાને લઈ યુવાન વયે જ જીવ ગુમાવવાની ઘટનાઓ સતત સામે આવી રહ્યા છે. વધુ એક સમાચાર પાલનપુરથી સામે આવી રહ્યા છે. પાલનપુરમાં એક ૨૩ વર્ષના યુવકે હાર્ટએટેકને લઈ જીવ ગુમાવ્યા છે. યુવાન વયે જ હાર્ટએટેકને લઈ મોત નિપજવાની ઘટનાને લઈ ચિંતા વધી રહી છે. યુવક નાસ્તો વેચતો હતો અને એકાએક જ તેને અસ્વસ્થતા અનુભવાતા તે ઢળી પડ્યો હતો. યુવાન ઢળી પડતા તેને તુરત જ હોસ્પિટલ ખસેડવામાં આવ્યો હતો. પરંતુ યુવકે હાર્ટએટેકને લઈ મોતને ભેટ્યાના સમાચાર મળ્યા હતા. ઉત્તર ગુજરાત સહિત રાજ્યના અનેક વિસ્તારોમાંથી હાર્ટ એટેકના સમાચાર સામે આવી રહ્યા છે અને યુવાન વયે જ જીવ ગુમાવવાની ઘટનાઓ સામે આવી રહી છે. બનાસકાંઠા જિલ્લામાં થોડાક દિવસ અગાઉ યુવતી પશુઓ માટે ખેતરમાં ઘાસચારો કાપી રહી હતી અને મોતને ભેટી હતી.