મહારાષ્ટ્ર વિધાનસભા ચૂંટણી પહેલા,નાના પટોલેથી નારાજ ઉદ્ધવ જૂથ, કહ્યું- મીટિંગમાં આવશે તો હાજરી નહીં આપે

મહારાષ્ટ્ર વિધાનસભા ચૂંટણી પહેલા મહાવિકાસ અઘાડીમાં સીટોની વહેંચણીને લઈને હોબાળો ચાલી રહ્યો છે. શિવસેના (ેંમ્‌) નેતા સંજય રાઉતે કોંગ્રેસ પર પ્રહાર કરતા કહ્યું કે પ્રદેશ કોંગ્રેસ ર્નિણયો લેવામાં સક્ષમ નથી. આ સાથે ઉદ્ધવ જૂથે સ્પષ્ટ કર્યું કે જાે પ્રદેશ કોંગ્રેસ અધ્યક્ષ નાના પટોલે બેઠકમાં આવશે તો તેઓ તેમાં હાજરી આપશે નહીં. આ પછી, મહા વિકાસ અઘાડીના સહયોગી પક્ષો વચ્ચે સીટોની વહેંચણીને લઈને વિવાદ સામે આવ્યો. શિવસેના (ઠાકરે) જૂથનું કહેવું છે કે નાના પટોલેની ભૂમિકાને કારણે મહાવિકાસ અઘાડીમાં બેઠકોની વહેંચણી થઈ રહી નથી. ઉદ્ધવ ઠાકરે જૂથ દ્વારા ઉઠાવવામાં આવેલા વાંધો પછી, મહા વિકાસ અઘાડીના સહયોગીઓ વચ્ચે બેઠકોની વહેંચણીનો ર્નિણય ખાટો થઈ ગયો છે.

જાેકે, નાના પટોલેએ આ મુદ્દે વાત કરવાનો ઈન્કાર કરી દીધો છે. સંજય રાઉતના નિવેદન બાદ પ્રેસ કોન્ફરન્સમાં નાના પટોલેને ઠાકરે જૂથના નેતા સંજય રાઉત વિશે સવાલ પૂછવામાં આવ્યો હતો. પ્રશ્ન પૂછ્યા પછી નાના પટોલે ઊભા થયા અને જવા લાગ્યા. તે સમયે કોંગ્રેસના નેતા વિજય વડેટ્ટીવારે નાના પટોલેને રોક્યા હતા. આ પછી ફરી એક પ્રેસ કોન્ફરન્સ થઈ. નાના પટોલેએ પ્રેસ કોન્ફરન્સમાં કહ્યું કે સંજય રાઉત સીટ વહેંચણી અંગે ઉદ્ધવ ઠાકરેને માહિતી આપશે. તેમની નિમણૂક ઉદ્ધવ ઠાકરે દ્વારા કરવામાં આવી છે. શરદ પવારે દ્ગઝ્રઁના જયંત પાટિલ અને જિતેન્દ્ર અવધની નિમણૂક કરી છે. એ જ રીતે અમે કોંગ્રેસના રાષ્ટ્રીય અધ્યક્ષ મલ્લિકાર્જુન ખર્ગેનને નિયુક્ત કર્યા છે. અમે તેમને બેઠક વિશે માહિતી આપીશું. તમામ પક્ષોના હાઈકમાન્ડ જ ર્નિણય લેશે. મને સમજાતું નથી કે સંજય રાઉત શેની વાત કરી રહ્યા હતા? અગાઉ સંજય રાઉતે કહ્યું હતું કે કોંગ્રેસ પાસે રાજ્ય સ્તરે ર્નિણય લેવાની સત્તા નથી. તેથી અમારે કોંગ્રેસના નેતા રાહુલ ગાંધી સાથે વાત કરીને ફરિયાદ કરવી પડશે. ઠાકરે જૂથે જાહેરાત કરી છે કે નાના પટોલેની હાજરીમાં મહા વિકાસ આઘાડીની કોઈ બેઠક નહીં યોજાય.