ઉત્તરાખંડના ચમોલીમાં મુસ્લિમ સમુદાયના બહિષ્કારના આદેશ બાદ રાજકારણ ગરમાયું

ચમોલી ઘટના પર ઓવૈસીએ કહ્યું,”ભારતમાં મુસ્લિમોને અસ્પૃશ્ય બનાવવામાં આવી રહ્યા છે” ઉત્તરાખંડના ચમોલી જિલ્લામાં મુસ્લિમ સમુદાયના બહિષ્કારના આદેશ બાદ રાજકારણ ગરમાયું છે. ચમોલીના મૈથાન ગામના લોકોએ ગામમાં મુસ્લિમ સમુદાયના પ્રવેશ પર પ્રતિબંધ મૂક્યો છે અને ત્યાં રહેતા ૧૫ મુસ્લિમ પરિવારોનો સામૂહિક બહિષ્કાર કરવાનો આદેશ જારી કર્યો છે. એવું પણ કહેવામાં આવ્યું છે કે તેઓ ૩૧ ડિસેમ્બર સુધીમાં ગામ છોડી દે. હવે આ મામલે હૈદરાબાદના સાંસદ અસદુદ્દીન ઓવૈસીએ મોટું નિવેદન આપ્યું છે.

ઓવૈસીએ એક્સ પર પોસ્ટ કરીને ઉત્તરાખંડ સરકાર પર સવાલ ઉઠાવ્યા છે. ઓવૈસીએ ટિ્‌વટર પર લખ્યું, “આ એ જ ઉત્તરાખંડ છે જ્યાં સરકાર સમાનતાના નામે સમાન નાગરિક સંહિતા લાગુ કરી રહી છે. શું ચમોલીના મુસ્લિમોને સમાનતા અને સન્માન સાથે જીવવાનો અધિકાર નથી? છૈંસ્ૈંસ્ના નેતા અસદુદ્દીન ઓવૈસીએ ઠ પર ચમોલીની ઘટના પર પોસ્ટ કરતા પણ લખ્યું, “ભારતમાં મુસ્લિમોને અસ્પૃશ્ય બનાવી દેવામાં આવ્યા છે. ઉત્તરાખંડના ચમોલીમાં ૧૫ મુસ્લિમ પરિવારોનો સામૂહિક બહિષ્કાર કરવામાં આવી રહ્યો છે.

ચમોલીના વેપારીઓએ ધમકી આપી છે કે મુસ્લિમોએ ૩૧મી ડિસેમ્બર સુધીમાં ચમોલી છોડવી પડશે. જાે મકાનમાલિકો મુસ્લિમોને મકાનો આપે છે તો તેમને ૧૦,૦૦૦ રૂપિયાનો દંડ ભરવો પડશે. તેમણે વડા પ્રધાન મોદી માટે કહ્યું, “જાે મોદી આરબ શેખને ગળે લગાવી શકે છે, તો તેઓ ચમોલીના મુસ્લિમોને પણ ગળે લગાવી શકે છે. છેવટે, મોદી ભારતના વડા પ્રધાન છે, સાઉદી કે દુબઈના નહીં. મૈથાન વેપાર મંડળના એક નેતાએ શનિવારે ન્યૂઝ એજન્સી પીટીઆઈ સાથે વાત કરતા આ ચેતવણીની જાણકારી આપી હતી. ચેતવણી અનુસાર, મુસ્લિમ સમુદાયના લોકોએ નિર્ધારિત સમય પહેલા ગામ છોડવું પડશે. જાે તેઓ આમ નહીં કરે તો તેમને તેમજ તેમના મકાનમાલિકોને દંડ કરવામાં આવશે. ગ્રામજનોએ ઘાટના નામે લોકોને ગામમાં આવવા પર પણ પ્રતિબંધ લગાવી દીધો છે. સ્થાનિક લોકો અને મૈથાન બિઝનેસ બોર્ડે ત્રણ દિવસ પહેલા એટલે કે બુધવારે એક બેઠકનું આયોજન કર્યું હતું. જિલ્લામાં ચાલતી ગુનાહિત પ્રવૃતિઓની ચર્ચા કરવા માટે આ બેઠક બોલાવવામાં આવી હતી. આ બેઠકમાં આ ર્નિણય લેવામાં આવ્યો છે.