સેન્ટ્રલ ડ્રગ રેગ્યુલેટરી ઓથોરિટીએ ઓગસ્ટના રિપોર્ટમાં ૫૦ થી વધુ દવાઓના સેમ્પલ લિસ્ટ કર્યા હતા

૪૯ દવાઓના સેમ્પલમાં પેરાસીટામોલ, પાન ડી, કેલ્શિયમ અને વિટામિન ડી-૩ નકલી જાહેર કરવામાં આવ્યા
સેન્ટ્રલ ડ્રગ્સ રેગ્યુલેટરી ઓથોરિટીએ વ્યાપકપણે ઉપયોગમાં લેવાતા કેલ્શિયમ સપ્લીમેન્ટ્‌સ શેલ્કલ ૫૦૦ અને પાન ડી સહિત ચાર દવાઓના નમૂના નકલી હોવાનું શોધી કાઢ્યું છે. જ્યારે ૪૯ દવાઓના નમૂના પ્રમાણભૂત ગુણવત્તાના ન હોવાનું જણાયું હતું. ‘ગુણવત્તામાં ખામીયુક્ત’ યાદીમાં સામેલ દવાઓના કેટલાક બેચ એલ્કેમ હેલ્થ સાયન્સ, એરિસ્ટો ફાર્માસ્યુટિકલ્સ, કેમિલા ફાર્માસ્યુટિકલ્સ, ઈનોવા કેપ્ટન, હિન્દુસ્તાન એન્ટિબાયોટિક્સ અને ઈપકા લેબોરેટરીઝ જેવી કંપનીઓની છે. હકીકતમાં, સપ્ટેમ્બરના તેના માસિક ડ્રગ એલર્ટ રિપોર્ટમાં, પેરાસિટામોલ, પાન ડી, કેલ્શિયમ અને વિટામિન ડી-૩ સહિત ૪૯ દવાઓના નમૂના નકલી જાહેર કરવામાં આવ્યા છે. જ્યારે ઓક્સીટોસિન, મેટ્રોનીડાઝોલ અને ફ્લુકોનાઝોલને ‘ગુણવત્તામાં ખામી’ની યાદીમાં સામેલ કરવામાં આવ્યા છે.

ડ્રગ કંટ્રોલર જનરલ ઓફ ઈન્ડિયા (ડ્ઢઝ્રય્ૈં) રાજીવ સિંહ રઘુવંશીએ જણાવ્યું હતું કે ઓછી અસરકારકતા ધરાવતી દવાઓની ટકાવારી ઘટાડવા માટે સમયાંતરે તપાસ કરવામાં આવે છે. તેમણે કહ્યું કે સીડીએસસીઓ (સેન્ટ્રલ ડ્રગ્સ સ્ટાન્ડર્ડ કંટ્રોલ ઓર્ગેનાઈઝેશન) દ્વારા સતર્ક કાર્યવાહી અને દવાઓની દેખરેખ ઓછી અસરકારકતા ધરાવતી દવાઓની ટકાવારીમાં ભારે ઘટાડો તરફ દોરી જાય છે. રઘુવંશીએ જણાવ્યું હતું કે લગભગ ત્રણ હજાર નમૂનાઓનું પરીક્ષણ કરવામાં આવ્યું હતું, તેમાંથી ૪૯ દવાઓને પાછી ખેંચી લેવા માટે કહેવામાં આવ્યું હતું કારણ કે તે ધોરણ (દ્ગજીઊ) મુજબ નથી. કુલ નમૂનાઓમાંથી માત્ર ૧.૫ ટકા દવાઓ જ ઓછી અસરકારક હોવાનું જણાયું હતું. ચોક્કસ બેચની દવાના નમૂના ગુણવત્તાના ધોરણોને પૂર્ણ કરતા ન હોવાનો અર્થ એ નથી કે તે નામ હેઠળ વેચાતી તમામ દવાઓ સબસ્ટાન્ડર્ડ છે. માત્ર તે ચોક્કસ બેચને પ્રમાણભૂત ગુણવત્તાની ગણવામાં આવતી નથી, એક સત્તાવાર સૂત્રએ જણાવ્યું હતું. સેન્ટ્રલ ડ્રગ્સ રેગ્યુલેટરી ઓથોરિટીએ તેના ઓગસ્ટના અહેવાલમાં પેરાસિટામોલ, પાન ડી, કેલ્શિયમ અને વિટામિન ડી૩ અને એન્ટિ-ડાયાબિટીક દવાઓ સહિત ૫૦ થી વધુ દવાઓના નમૂનાઓને ‘ગુણવત્તામાં ખામી’ તરીકે સૂચિબદ્ધ કર્યા હતા.