ચંદીગઢ ક્લબ બ્લાસ્ટની જવાબદારી ગોલ્ડી બ્રારે લીધી હતી

ગોલ્ડી બ્રારે સોશિયલ મીડિયા પર પોસ્ટ કરીને લખ્યું કે, “તેણે પ્રોટેક્શન મની માટે ફોન કર્યો હતો પરંતુ તેણે જવાબ આપ્યો ન હતો તેથી જ મેં અને રોહિત ગોદરાએ આ બ્લાસ્ટ કર્યા.” ચંદીગઢના સેક્ટર ૨૬માં બે નાઇટ ક્લબની બહાર થયેલા વિસ્ફોટોની જવાબદારી ગોલ્ડી બ્રારે લીધી છે. ગોલ્ડી બ્રારે સોશિયલ મીડિયા પર પોસ્ટ કર્યું છે કે તેણે અને રોહિત ગોદારાએ આ બ્લાસ્ટ કર્યા છે. પોસ્ટ અનુસાર, તેણે ક્લબના માલિકને પ્રોટેક્શન મની માટે ફોન કર્યો હતો, જેનો તેણે જવાબ આપ્યો ન હતો. આથી જ બે ક્લબની બહાર બ્લાસ્ટ કરવામાં આવ્યા હતા. હાલ પોલીસ સોશિયલ મીડિયા પોસ્ટની ખરાઈ કરી રહી છે. ગોલ્ડી બ્રાર ૨૦૨૧ થી કેનેડામાં રહે છે અને ત્યાંથી પંજાબમાં મોડ્યુલ દ્વારા કામ કરે છે.

લોરેન્સ બિશ્નોઈ ગેંગ સાથે સંકળાયેલો છે અને તેના માટે કામ પણ કરે છે. પંજાબી સિંગર સિદ્ધુ મૂઝવાલા મર્ડર કેસમાં પણ ગોલ્ડી બ્રારનું નામ સામે આવ્યું હતું. પ્રારંભિક તપાસમાં જાણવા મળ્યું કે ગોલ્ડી બ્રારે લોરેન્સ બિશ્નોઈના આદેશ પર મૂઝવાલાની હત્યાનું કાવતરું ઘડ્યું હતું. જણાવવામાં આવી રહ્યું છે કે ચંદીગઢની જે બે નાઈટ ક્લબમાં બ્લાસ્ટ થયો હતો તેમાંથી એક સેવેલ બાર એન્ડ લાઉન્જનો માલિક રેપર બાદશાહ છે. મળતી માહિતી મુજબ, બે અજાણ્યા બાઇક સવારોએ દેશી બનાવટના બોમ્બથી વિસ્ફોટ કર્યો હતો. બ્લાસ્ટ બાદ વિસ્તારમાં ભયનો માહોલ ફેલાયો છે. ઘટના દરમિયાન નાઈટ ક્લબની બારીઓના કાચ પણ તૂટી ગયા હતા.

ખાસ વાત એ છે કે વડાપ્રધાન નરેન્દ્ર મોદી ૩જી ડિસેમ્બરે ચંદીગઢ પહોંચી રહ્યા છે. તેમની મુલાકાત પહેલા થયેલા આ વિસ્ફોટો સુરક્ષાને લઈને અનેક સવાલો ઉભા કરી રહ્યા છે. રાહતની વાત એ છે કે વિસ્ફોટમાં કોઈને ઈજા થઈ નથી. વિસ્ફોટને ગંભીરતાથી લેતા ચંદીગઢ પોલીસે ફોરેન્સિક ટીમને સ્થળ પર બોલાવી છે જે વિસ્ફોટોની તપાસ કરી રહી છે. બ્લાસ્ટ પાછળનું કારણ જાણવા માટે તમામ પાસાઓની તપાસ કરવામાં આવી રહી છે. માહિતી અનુસાર, પહેલો બ્લાસ્ટ સવારે ૩.૧૫ વાગ્યે થયો હતો અને બીજાે બ્લાસ્ટ સાંજે લગભગ ૪ વાગ્યે થયો હતો. ચંદીગઢના ડીએસપી દિલબાગ સિંહે કહ્યું કે ઘટનાનો એક સીસીટીવી પણ સામે આવ્યો છે. જેમાં સવારે ૩.૧૫ વાગ્યે એક યુવક ક્લબ તરફ બોમ્બ જેવું કંઈક ફેંકી રહ્યો છે. જે બાદ જાેરદાર વિસ્ફોટ થયો હતો. ધુમાડો વધતા જ યુવક ત્યાંથી ભાગી ગયો હતો. ચંદીગઢ પોલીસના સૂત્રોના જણાવ્યા અનુસાર, પોટાશનો ઉપયોગ કરીને ઘરે બનાવેલા બોમ્બને વિસ્ફોટ કરવાનો પ્રયાસ કરવામાં આવ્યો હતો, જેનો ઉપયોગ ફટાકડા બનાવવામાં થાય છે. પોલીસ નજીકના સીસીટીવી ફૂટેજ સ્કેન કરી રહી છે અને હુમલાખોરોને પકડવા લોકોની પૂછપરછ પણ કરી રહી છે.