ભાજપના કાઉન્સિલર કુસુમ લતા AAPમાં જાેડાઈ

આમ આદમી પાર્ટીના કન્વીનર અરવિંદ કેજરીવાલે આજે પત્રકાર પરિષદ યોજી હતી. દિલ્હીની ચૂંટણી નજીક છે ત્યારે ભાજપને મોટો ઝટકો લાગ્યો છે. બીજેપી કાઉન્સિલર કુસુમ લતા આમ આદમી પાર્ટીમાં જાેડાઈ ગઈ છે. કુસુમ લતા તેમના પતિ રમેશ પહેલવાન સાથે પાર્ટીમાં સામેલ થઈ હતી. પાર્ટીમાં સામેલ થવા પર કુસુમ લતાએ કહ્યું, હું ભાગ્યશાળી છું કે હું આમ આદમી પાર્ટીમાં જાેડાઈ રહી છું.

રમેશ પહેલવાને કહ્યું, હું ફરી ઘરે પરત ફરી રહ્યો છું, દિલ્હીમાં અરવિંદ કેજરીવાલ આવ્યા બાદ દિલ્હીમાં ઘણો સુધારો થયો છે, પછી તે સ્વાસ્થ્ય હોય, શિક્ષણ હોય. હું ફરીથી આ પાર્ટીમાં આવ્યો છું. અરવિંદ કેજરીવાલે આ અવસર પર કહ્યું કે, હું ખૂબ જ ખુશ છું કે રમેશ પહેલવાન અને કુસુમલતા તમારી સાથે જાેડાઈ રહ્યાં છે. અમારી પાર્ટીની રચના વર્ષ ૨૦૧૨માં થઈ હતી અને તેઓ ૨૦૧૩માં અમારી પાર્ટીમાં જાેડાયા હતા અને ૨૦૧૭ સુધી તેઓ પાર્ટીમાં રહ્યા હતા અને પછી કોઈ કારણસર તેમણે પાર્ટી છોડી દીધી હતી, પરંતુ હવે તેઓ ફરીથી ઘરે પરત ફરી રહ્યા છે. તેણે કુસ્તી અને રમતગમતમાં ઘણું કામ કર્યું છે. કુસુમલતા જી બે વખત કાઉન્સિલર રહી ચૂક્યા છે. કેજરીવાલે વધુમાં કહ્યું કે, દિલ્હીના તમામ સારા લોકો છછઁમાં જાેડાઈ રહ્યા છે.

અરવિંદ કેજરીવાલે શનિવારે ગૃહમંત્રી અમિત શાહને પત્ર લખ્યો હતો, આ પત્ર વિશે પૂછવામાં આવેલા પ્રશ્ન પર કેજરીવાલે કહ્યું કે, મેં ગઈ કાલે અમિત શાહને પત્ર લખ્યો હતો અને દિલ્હીની અંદર કાયદો અને વ્યવસ્થા ખૂબ ખરાબ થઈ રહી છે. દિલ્હીમાં દરરોજ સરેરાશ ૧૭ બાળકો ગુમ થઈ રહ્યા છે, ડ્રગ્સનો વેપાર ચાલી રહ્યો છે, તેથી હું તેમને મળીને આ અંગે ચર્ચા કરવા માંગતો હતો પરંતુ આજ સુધી મને સમય મળ્યો નથી. ગેરકાયદેસર રીતે રહેતા બાંગ્લાદેશીઓ પર કેજરીવાલે કહ્યું કે, મેં અમિત શાહનું નિવેદન સાંભળ્યું નથી પરંતુ હું આશા રાખીશ કે કોઈ જવાબદાર ગૃહમંત્રી આનો જવાબ નહીં આપે.

ભારત-બાંગ્લાદેશની સરહદ ૪ હજાર કિલોમીટર છે અને તે ૪ હજાર કિલોમીટરમાં મને કહેવામાં આવ્યું હતું કે ૩ હજાર કિલોમીટર પર ફેન્સિંગ છે અને ૧ હજાર કિલોમીટર પર ફેન્સિંગ નથી, પરંતુ રોહિંગ્યાઓ અને બાંગ્લાદેશીઓ દરેક જગ્યાએથી ભારતમાં ઘૂસી રહ્યા છે . અરવિંદ કેજરીવાલે ભારતમાં રોહિંગ્યા અને બાંગ્લાદેશીઓની ઘૂસણખોરી પર સવાલ ઉઠાવતા કહ્યું કે, ભારત સરકાર શું કરી રહી છે, શું ભારત સરકાર ખુલ્લેઆમ સ્વીકારી રહી છે કે તે દેશની સરહદની સુરક્ષા કરવામાં નિષ્ફળ રહી છે. પહેલી વાત એ છે કે તેઓ કેવી રીતે સરહદ પાર કરી રહ્યા છે અને બીજી બાબત એ છે કે તેઓ બંગાળથી આસામ થઈને દિલ્હી કેવી રીતે પહોંચી રહ્યા છે.