‘ઓપરેશન સિંદૂર’ બાદ કોંગ્રેસ નેતાઓ ની મહત્વનું નિવેદન, અમારો પક્ષ સરકાર અને સેના સાથે છે. અમે દરેક પગલે તેમનું સમર્થન કરીએ છીએ, ભારતીય સેના પર અમને ગર્વ : કોંગ્રેસ

ભારતીય સેનાની ત્રણેય પાંખ દ્વારા ગઈકાલે મોડી રાત્રે ઓપરેશન સિંદૂર હેઠળ પાકિસ્તાન પર એરસ્ટ્રાઈક કરી નવ આતંકી સ્થળોને નષ્ટ કરવામાં આવ્યા હતા ત્યારે કોંગ્રેસ પાર્ટી એ એક બેઠક બોલાવી હતી જે બાદ પાર્ટી અધ્યક્ષ મલ્લિકાર્જુન ખડગેએ કહ્યું હતું કે, આજે અમે વર્કિંગ કમિટીની બેઠક બોલાવી હતી. આ ઘટના આપણા દેશમાં બની છે અને સરકાર પગલાં લઈ રહી છે. અમે તેમને ટેકો આપીએ છીએ. આ સાથે, અમને ભારતીય સશસ્ત્ર દળો પર પણ ગર્વ છે, જેમણે ઓપરેશન સિંદૂર દ્વારા પાકિસ્તાન અને પાકિસ્તાન અધિકૃત કાશ્મીર (ર્ઁદ્ભ)માં આતંકવાદી ઠેકાણાઓ સામે સાહસિક કાર્યવાહી કરીને જડબાતોડ જવાબ આપ્યો છે.
‘ઓપરેશન સિંદૂર’ પર કોંગ્રેસ અધ્યક્ષ મલ્લિકાર્જુન ખડગેએ કહ્યું કે અમે સરકાર જે પગલાં લઈ રહી છે તેની સાથે છીએ. ભારતીય સશસ્ત્ર દળો પર અમને ગર્વ છે. તેમણે યોગ્ય જવાબ આપ્યો છે. પહેલગામ હુમલા બાદ અમે સરકારના દરેક પગલાને સમર્થન આપ્યું હતું. તેમણે કહ્યું કે અમે બહાદુર જવાનોને સલામ કરીએ છીએ. પહેલગામ હુમલા બાદ અમે સરકારના દરેક પગલાને સમર્થન આપ્યું હતું. આ મુદ્દે કોઈ ભેદભાવ નથી અને અમે એક થઈને સમર્થન આપી રહ્યા છીએ.
બેઠકમાં પ્રિયંકા ગાંધીએ કહ્યું કે આવા સમયે દેશભરમાં તમામ રાજકીય કાર્યક્રમો બંધ કરી દેવા જાેઈએ. મીટિંગમાં બધા આ વાત પર સંમત થયા.
મલ્લિકાર્જુન ખડગેએ કહ્યું કે પહેલગામમાં આતંકવાદી હુમલાના દિવસથી કોંગ્રેસ સશસ્ત્ર દળો અને સરકાર સાથે એક થઈને ઉભી છે અને દરેક નિર્ણાયક કાર્યવાહીને સમર્થન આપ્યું છે. પાકિસ્તાન અને પાકિસ્તાન અધિકૃત કાશ્મીર (ર્ઁદ્ભ)ની આતંકવાદ સામેની તમામ નીતિઓ સામે ભારતની નીતિ સ્પષ્ટ છે. તેમણે વધુમાં કહ્યું હતું કે, ભારત દેશની એકતા અને અખંડિતતાના રક્ષણ માટે તમામ સ્તરે ઉચ્ચતમ સ્તરની એકતા ધરાવે છે. કોંગ્રેસ જવાનો સાથે ખભે ખભા મિલાવીને ઉભી છે. ઇતિહાસ છે કે વીરોએ રાષ્ટ્રહિતને સર્વોપરી રાખ્યું છે અને પોતાના પ્રાણની આહુતિ આપી છે.