અમદાવાદના ઉત્તર પશ્ચિમ ઝોનમાં સૌથી વધુ ૧૦ કેસ નોંધાયા, પશ્ચિમ ઝોન અને દક્ષિણ ઝોનમાં ૭-૭ કેસ નોંધાયા

રાજ્યમાં કોરોનાના કેસમાં સતત વધારો જાેવા મળી રહ્યો છે ખાસ કરીને અમદાવાદ. છેલ્લા ૨૪ કલાકમાં શહેરમાં ૨૦ નવા કેસ નોંધાયા છે, જેના કારણે હાલમાં એક્ટિવ કેસની સંખ્યા ૩૧ સુધી પહોંચી ગઈ છે. ગુજરાતમાં કોરોનાના કુલ ૮૦ ટકા કેસ એકલા અમદાવાદથી નોંધાયા છે, જે રાજ્યની વિકટ સ્થિતિને દર્શાવે છે. મે મહિનામાં અત્યાર સુધીમાં ૩૮ દર્દીઓ કોરોના પોઝિટિવ નોંધાયા છે, જેમાંથી ૩૧ હજુ સારવાર હેઠળ છે. આ ઝડપી વધારાએ આરોગ્ય વિભાગ અને નાગરિકોમાં ચિંતા વધારી દીધી છે, જાેકે સરકારી અધિકારીઓએ સ્પષ્ટ કર્યું છે કે હાલ ગભરાવાની જરૂર નથી, પરંતુ સાવચેતી રાખવી અત્યંત જરૂરી છે.
અમદાવાદના ઉત્તર-પશ્ચિમ ઝોનમાં સૌથી વધુ ૧૦ કેસ નોંધાયા છે, જેમાં ગોતા, ચાંદલોડિયા, બોડકદેવ અને થલતેજ જેવા વિસ્તારોનો સમાવેશ થાય છે. પશ્ચિમ ઝોન અને દક્ષિણ ઝોનમાં દરેકમાં ૭-૭ કેસ નોંધાયા છે, જેમાં નવરંગપુરા, વાસણા, રાણીપ અને વટવા જેવા વિસ્તારોમાંથી કેસ સામે આવ્યા છે. આ કેસોમાં ૨ વર્ષની બાળકીથી લઈને ૮૪ વર્ષના વૃદ્ધ સુધીના દર્દીઓનો સમાવેશ થાય છે, જે દર્શાવે છે કે વાયરસનો ફેલાવો વિવિધ વય જૂથોમાં થઈ રહ્યો છે. હાલમાં કોરોનાના વેરિએન્ટ અંગે કોઈ સ્પષ્ટ માહિતી નથી, અને તમામ દર્દીઓના ેમ્પલ ગાંધીનગરની ય્મ્ઇઝ્ર લેબોરેટરીમાં વેરિએન્ટ ચકાસણી માટે મોકલવામાં આવ્યા છે.
મહત્વનું છે કે, રાજ્યમાં કોરોનાના વધતા કેસને પગલે અમદાવાદની સરકારી હોસ્પિટલોએ વ્યાપક તૈયારીઓ શરૂ કરી દીધી છે. સિવિલ હોસ્પિટલ, જીફઁ હોસ્પિટલ અને શારદાબેન હોસ્પિટલમાં આઇસોલેશન વોર્ડ તૈયાર કરવામાં આવ્યા છે. સિવિલ હોસ્પિટલમાં ૧૨૦૦ બેડની વ્યવસ્થા કરવામાં આવી છે, જ્યારે ૨૦,૦૦૦ લીટરની બે ઓક્સિજન ટેન્ક પણ સ્ટેન્ડબાય રાખવામાં આવી છે. નોંધપાત્ર રીતે, ૨૦ વર્ષની એક યુવતી, જેને શ્વાસની તકલીફની ફરિયાદ હતી, તે હાલ સોલા સિવિલ હોસ્પિટલમાં ઓક્સિજન પર છે, પરંતુ તેનું સ્વાસ્થ્ય સ્થિર છે. ૮૪ વર્ષના એક વૃદ્ધ પણ હોસ્પિટલમાં સારવાર હેઠળ છે, જ્યારે અન્ય દર્દીઓ હોમ આઇસોલેશનમાં સારવાર લઈ રહ્યા છે.