રાજસ્થાન સરકાર દ્વારા પૂર્વ પ્રાથમિક સ્તરે સંસ્કૃત ફરજિયાત બનાવશે,

અધિકારીઓએ જણાવ્યું હતું કે, ભારતીય જનતા પાર્ટી (ભાજપ) ની આગેવાની હેઠળની રાજસ્થાન સરકાર તમામ શાળાઓમાં પૂર્વ-પ્રાથમિક સ્તરે સંસ્કૃતને ફરજિયાત વિષય તરીકે લાગુ કરવા માટે તૈયાર છે.
રાજસ્થાન ભારતનું પ્રથમ રાજ્ય બનશે જ્યાં પૂર્વ-પ્રાથમિક સ્તરે સંસ્કૃત શીખવવામાં આવશે. આ વર્ષની શરૂઆતમાં આ સંદર્ભમાં મંત્રીમંડળને એક દરખાસ્ત મોકલવામાં આવી છે. અમે અભ્યાસક્રમનું માળખું તૈયાર કર્યું છે અને પુસ્તકો પણ લોન્ચ કર્યા છે. મંત્રીમંડળ અંતિમ મંજૂરી આપે પછી અમે વર્ગો શરૂ કરીશું,” રાજસ્થાનના સંસ્કૃત શિક્ષણ વિભાગના કમિશનર પ્રિયંકા જાેધાવતે જણાવ્યું હતું.
સરકારી અધિકારીઓના જણાવ્યા અનુસાર, આ પ્રોજેક્ટ ત્રણ તબક્કામાં લાગુ કરવામાં આવશે. “પ્રથમ તબક્કામાં, અમે ફક્ત સંસ્કૃત શિક્ષણ વિભાગ હેઠળની પૂર્વ-પ્રાથમિક શાળાઓમાં જ શરૂઆત કરીશું. રાજસ્થાનમાં સંસ્કૃત શાળાઓમાં કોઈ પૂર્વ-પ્રાથમિક શાળા ચાલી રહી નથી. જાેકે, ઓછામાં ઓછી ૭૫૭ પૂર્વ-પ્રાથમિક સંસ્કૃત શાળાઓ પ્રસ્તાવિત છે, જે એક મહિનામાં શરૂ થશે. શરૂઆતથી જ તે બધી શાળાઓમાં સંસ્કૃત ફરજિયાત વિષય હશે,” શિક્ષણ પ્રધાન કાર્યાલયના એક અધિકારીએ જણાવ્યું હતું.
અધિકારીઓએ જણાવ્યું હતું કે રાજસ્થાનમાં ૯૬૨ મહાત્મા ગાંધી અંગ્રેજી માધ્યમ શાળાઓ (સ્ય્ઈસ્જી) અને ૬૬૦ ઁસ્-શ્રી શાળાઓમાં પૂર્વ-પ્રાથમિક સ્તરની સુવિધા પણ ઉપલબ્ધ છે, જ્યાં આવતા વર્ષે બીજા અને ત્રીજા તબક્કામાં સંસ્કૃતનો અમલ કરવાનો પ્રસ્તાવ છે.