ભાવનગર ઝોનમાં બંધારણ દિવસે ગુંજ્યો ‘વંદે માતરમ’ નો નાદ, સૌએ સ્વદેશીના શપથ લઈ રાષ્ટ્રની એકતા અને ગૌરવનો સંદેશ આપ્યો

રાષ્ટ્રગીતના સન્માન અને સંવિધાન દિવસ નિમિત્તે પ્રાદેશિક કમિશનર નગરપાલિકાઓની કચેરી, ભાવનગર
ઝોન ખાતે પ્રાદેશિક કમિશનર ધવલ પંડયા અને અધિક કલેક્ટર ડી. એન. સતાણીની ઉપસ્થિતિમાં રાષ્ટ્રપ્રેમની
ભાવનાથી રાષ્ટ્રગીત “વંદે માતરમ” નું સમૂહગાન તેમજ અને દેશના અર્થતંત્રને મજબૂત બનાવવા સ્વદેશી
અપનાવવાની પહેલ સાથે સ્વદેશીના શપથ લેવામાં આવ્યા હતા.
જેમાં સૌએ પોતાના દૈનિક જીવનમાં વધુમાં વધુ ભારતીય અને સ્વદેશી વસ્તુઓનો ઉપયોગ કરવાનો સંકલ્પ
લીધો હતો તેમજ ભારતની આત્મનિર્ભરતા અને સ્થાનિક ઉદ્યોગોને પ્રોત્સાહન આપવાનો સંદેશ આપ્યો હતો. આ
કાર્યક્રમનો ઉદ્દેશ જનમાનસમાં રાષ્ટ્રભક્તિની ભાવના જાગૃત કરવી, દેશની સ્વતંત્રતા માટે આપેલા બલિદાનોને યાદ
કરવા અને ભારતના સાંસ્કૃતિક વારસાને સશક્ત બનાવવા માટે સૌને એકતાના સૂત્રમાં બાંધવાનો હતો. જેમાં સૌએ
ભારત માતા પ્રત્યે અખંડ શ્રદ્ધા વ્યક્ત કરી અને રાષ્ટ્રની એકતા, અખંડિતતા તથા સ્વાભિમાન જાળવવાનો સંકલ્પ
લીધો હતો.