અમરેલીમાં તા.૧૯ ડિસેમ્બરના રોજ રોજગાર ભરતી મેળો યોજાશે

 અમરેલી જિલ્લા રોજગાર વિનિમય કચેરી દ્વારા અનુબંધમ વેબપોર્ટલના માધ્યમથી તા.૧૯ ડિસેમ્બર,૨૦૨૪ને ગુરુવારના રોજ સવારે ૧૧:૦૦ વાગ્યે રોજગાર ભરતીમેળાનું આયોજન છે.અમરેલી જિલ્લાના ૧૮ થી ૨૩ વર્ષની વયમર્યાદામાં, રોજગાર ઇચ્છુક પુરુષ માટે ખાનગી ક્ષેત્રના અગ્રગણ્ય એકમ ક્વેસ કોર્પ લિમિટેડ (ટાટા મોટર્સ) સાંણદ માટે ખાલી જગ્યાને અનુરુપ ધો.૧૨ પાસ / આઈ.ટી.આઈ ૦૨ વર્ષ ટ્રેડ તકનીકી લાયકાત ધરાવતા રોજગાર ઇચ્છુકો માટે ઔદ્યોગિક તાલીમ સંસ્થા (આઈ.ટી.આઈ કેમ્પસ) લાઠી રોડ, અમરેલી ખાતે ભરતીમેળો યોજાશે. ભરતીમેળામાં આધાર કાર્ડ તેમજ શૈક્ષણિક લાયકાતના તમામ દસ્તાવેજો સાથે અનુબંધમ વેબપોર્ટલ પર જોબસીકર તરીકે https://anubandham.gujarat.gov.in/account/signup લીંક પર નોંધણી કરવી. આ અંગે વધુ વિગતો માટે અમરેલી જિલ્લા રોજગાર કચેરીનો સંપર્ક કરવો, તેમ અમરેલી જિલ્લા રોજગાર અધિકારીશ્રીએ એક યાદીમાં જણાવ્યું છે