અનુબંધમ વેબપોર્ટલના માધ્યમથી તા.૧૧ એપ્રિલે રોજગાર ભરતી મેળો યોજાશે

 જિલ્લાના યુવા અને ઉત્સાહી રોજગાર ઇચ્છુકો માટે યુવા શક્તિ ફાઉન્ડેશન, શાપર-રાજકોટ માટે મશીન ઓપરેટર (પુરુષ ઉમેદવારો માટે જ) તેમજ ૧૮ થી ૩૫ વર્ષની વયમર્યાદા અને ખાલી જગ્યાઓને અનુરુપ ધોરણ ૫ થી ધો.૯, ધો.૧૦, ધો.૧૨, આઈ.ટી.આઈ., તમામ સ્નાતક, ડિપ્લોમા, બી.ઈ., બી.ટેક. સ્નાતકની શૈક્ષણિક લાયકાત ધરાવતા રોજગાર ઇચ્છુકો માટે અનુબંધમ વેબપોર્ટલના ડિજિટલ માધ્યમથી ભરતીમેળાનું આયોજન અમરેલી જિલ્લા રોજગાર કચેરી દ્વારા કરવામાં આવ્યું છે.

જિલ્લા રોજગાર વિનિમય કચેરી, સી-બ્લોક, પ્રથમ માળ, બહુમાળી ભવન, રાજમહેલ કમ્પાઉન્ડ, જિલ્લા આયોજન કચેરી સામે, અમરેલી ખાતે તા.૧૧ એપ્રિલ, ૨૦૨૫ને શુક્રવારના રોજ સવારે ૧૧ વાગ્યે યોજાનાર આ ભરતીમેળામાં આધાર કાર્ડ તેમજ શૈક્ષણિક લાયકાતના તમામ દસ્તાવેજો સાથે ઉપસ્થિત રહેવું.

અનુબંધમ વેબપોર્ટલ પર જોબસીકર તરીકે રજિસ્ટ્રેશન લીંક https://anubandham.gujarat.gov.in/account/signup પર નોંધણી કરવાની રહેશે, તેમ અમરેલી જિલ્લા રોજગાર અધિકારીશ્રીએ એક યાદીમાં જણાવ્યું છે.