કેન્દ્રીય રાજ્ય મંત્રી શ્રીમતી નિમુબેન બાંભણીયાની અધ્યક્ષતામાં દિશા સમિતિની યોજાઈબેઠક

વિકાસ કામો સમયમર્યાદા પૂર્ણ કરી લોકોની સુવિધા અને સુખાકારીમાં વધારો કરીએ:-મંત્રી શ્રીમતી નિમુબેન

બાંભણીયા

મંત્રીશ્રીએ જિલ્લામાં વિવિધ યોજનાઓની અમલવારી તેમજ તેના લક્ષ્યાંકો અંગે સમીક્ષા કરી

માહિતી બ્યુરો, ભાવનગર
ભાવનગર કલેકટર કચેરી ખાતેના આયોજન હોલમાં કેન્દ્રીય રાજ્ય મંત્રી શ્રીમતી નિમુબેન બાંભણીયાની
અધ્યક્ષતામાં જિલ્લાની તમામ કચેરીઓનાં વડાઓ સાથે ડિસ્ટ્રિક્ટ ડેવલપમેન્ટ કો–ઓર્ડીનેશન એન્ડ મોનીટરીંગ કમિટી
(દિશા) ની બેઠકનું આયોજન કરવામાં આવ્યું હતું. જેમાં મંત્રીશ્રીએ કેન્દ્ર સરકાર દ્વારા અમલમાં મુકવામાં આવેલ
વિવિધ યોજનાઓની સમીક્ષા કરતાં જણાવ્યું કે, વિવિધ વિકાસ કામો સમયમર્યાદા પૂર્ણ કરી લોકોની સુવિધા અને
સુખાકારીમાં વધારો કરીએ. ભાવનગર જિલ્લાનાં તમામ વિભાગોની કામગીરી, સરકારી યોજનાઓ અને તેની
અમલવારી તેમજ વિભાગોના લક્ષ્યાંકોની માહિતી મેળવી જરૂરી માર્ગદર્શન પુરૂ પાડ્યું હતું.
દિશાની બેઠકમાં મહાત્મા ગાંધી રાષ્ટ્રીય ગ્રામીણ રોજગારી બાંહેધરી યોજના (મનરેગા યોજના), રાષ્ટ્રીય
ગ્રામીણ આજીવિકા મિશન, સાંસદ આદર્શ ગામ, સ્વચ્છ ભારત મિશન, પ્રધાનમંત્રી આવાસ યોજના, પ્રધાનમંત્રી કૃષિ
સિંચાઈ યોજના, શૈક્ષણિક યોજનાઓ, પશુપાલન, પુરક પોષણ, કિશોરી શક્તિ યોજના, પોષણ અભિયાન તેમજ
પ્રધાનમંત્રી ગ્રામ સડક યોજના, મધ્યાહન ભોજન યોજના, કુટીર ઉદ્યોગ, આંગણવાડીઓ, માતૃ વંદના યોજના,
આરોગ્ય ક્ષેત્રે થયેલ કામો, સમાજ કલ્યાણ વિભાગની યોજનાઓ, સુજલામ સુફલામ તેમજ સિંચાઈના કામો, કૃષિ ક્ષેત્રે
થયેલ કામો, વાસ્મો, ભારત સંચાર નિગમ લિ., જિલ્લા ગ્રામ વિકાસ એજન્સી, રેલ્વે, પાણી પુરવઠા, નેશનલ હાઇવે
ઓર્થોરીટી, જિલ્લા ઉદ્યોગ, પી.જી.વી.સી.એલ દ્વારા ચાલતી વિવિધ માનવ કલ્યાણ યોજનાઓ વગેરે યોજનાઓમાં પૂર્ણ
થયેલ કામો, પ્રગતિ હેઠળના કામો તેમજ આયોજન કરેલ કામોની સમીક્ષા કરી જરૂરી સુચન તેમજ માર્ગદર્શન પુરૂ
પાડ્યું હતું તથા બેઠકમાં લેવાયેલ નિર્ણયોની ચુસ્ત અમલવારી તેમજ પડતર પ્રશ્નોનું ફોલો-અપ લેવા પણ સુચન કર્યુ
હતુ.

આ બેઠકમાં મેયરશ્રી ભરતભાઈ બારડ, ધારાસભ્યશ્રી ગૌતમભાઈ ચૌહાણ અને શ્રીમતી સેજલબેન પંડ્યા,
સ્ટેન્ડિંગ ચેરમેન શ્રી રાજુ ભાઈ રાબડીયા, જિલ્લા કલેકટર ડૉ. મનીષ કુમાર બંસલ, જિલ્લા વિકાસ અધિકારી શ્રી હનુલ
ચૌધરી, રિજિયોનલ મ્યુનિસિપલ કમિશનર શ્રી ડી. એમ. સોલંકી, પોલીસ અધીક્ષક શ્રી ડૉ. હર્ષદ પટેલ, જિલ્લા ગ્રામ
વિકાસ એજન્સીના નિયામકશ્રી જયશ્રીબેન જરૂ, આગેવાન શ્રી કુમારભાઈ શાહ, તાલુકા પંચાયત પ્રમુખશ્રીઓ, નગર
પાલિકાના પ્રમુખશ્રીઓ તથા દિશા કમિટીના સભ્યશ્રીઓ તેમજ અધિકારીશ્રી- પદાધિકારીશ્રીઓ ઉપસ્થિત રહ્યા હતા.