તારીખ 27- 11- 2025 ગુરુવારના દિવસે અમરેલીના અને આપણી ગુજરાતી ભાષાના ઘરેણા સમા સાહિત્યકાર સ્વ.રમેશ પારેખને તેમના જન્મદિવસ નિમિત્તે વિદ્યાર્થીઓ દ્વારા શબ્દાંજલી આપતો કાર્યક્રમ યોજાયો. જેમાં પ્રથમ શાળાના ઇન્ચાર્જ આચાર્ય શ્રી જીતુભાઈ ભટ્ટે કવિ શ્રીની જીવન ઝરમર અને સાહિત્ય સર્જન વિશે વિદ્યાર્થીઓને માહિતગાર કર્યા.ત્યાર પછી વિદ્યાર્થી ગૌતમ ડાભીએ ર.પા.ની કવિતા ‘હરિ પર અમથું અમથું હેત…..’ નું ભાવવાહી પઠન કર્યું.તો વિદ્યાર્થી ઉત્સવ ગોહિલે કવિશ્રીની પ્રખ્યાત ગઝલ ‘આંખોમાં આવી રીતે દ્રશ્ય ન મોકલાવ તું…’નુ સહજ સુમધુર અવાજમાં પઠન કર્યું. વિદ્યાર્થી સુજલ બગડા એ કવિ શ્રી ર.પા. નું પેન્સિલથી ચિત્ર સર્જન કર્યું હતું જે આકર્ષણનું કેન્દ્ર બની રહ્યું.સાથોસાથ ‘જનનીની જોડ સખી નહી જડે રે લોલ….’ગીતના રચયિતા કવિશ્રી બોટાદકરનો પણ જન્મદિવસ હોય તેમનુ આ તકે સ્મરણ કરવામાં આવ્યું. સમગ્ર કાર્યક્રમનું આયોજન અને સંચાલન શાળાના શિક્ષિકા અલ્પાબેન રાવલે કર્યું હતું જેણે પણ કવિ શ્રીની પ્રચલિત રચનાઓનો આસ્વાદ કરાવ્યો હતો. કાર્યક્રમના આયોજન બદલ પ્રમુખ ચંદ્રિકાબેન ઘેલાણી ઉપપ્રમુખ કનુભાઈ ગેડીયા અને મેનેજિંગ ટ્રસ્ટી મુકુંદભાઈ નાગ્રેચાએ ખુશી વ્યક્ત કરી હતી.
શ્રી નૂતન કેળવણી મંડળ સંચાલિત જે.વી. મોદી હાઈસ્કૂલમાં કવિ શ્રી રમેશ પારેખના જન્મદિવસ નિમિત્તે શબ્દાંજલી કાર્યક્રમનુ આયોજન કરવામાં આવ્યું.


















Recent Comments