સેંજળ ગામ નજીક અકસ્માત: ધારાસભ્ય મહેશભાઈ કસવાલા તાત્કાલિક ઘટના સ્થળે દોડી આવ્યા

સાવરકુંડલા તાલુકાના સેંજળ  ગામ નજીક આજે એક ગંભીર માર્ગ અકસ્માત સર્જાયો હતો. ઘટનાની જાણ થતા તરત જ ધારાસભ્ય શ્રી મહેશભાઈ કસવાલા દુર્ઘટના સ્થળે પહોંચ્યા અને સમગ્ર પરિસ્થિતિની માહિતી મેળવી માર્ગ અકસ્માતમાં ઈજાગ્રસ્ત થયેલાં નાગરિકોની હાલત અંગે સ્થળ પર જ જવાબદાર અધિકારીઓ સાથે સમીક્ષા કરી.

ધારાસભ્યશ્રી મહેશભાઈ કસવાળા એ ઘટનાપ્રતિ ગંભીરતા વ્યક્ત કરતા જણાવ્યું  કે સરકાર અને તંત્ર લોકોની સુરક્ષા અને સારવારને સર્વોચ્ચ પ્રાથમિકતા આપે છે. સાથે જ તેમણે અકસ્માતગ્રસ્ત પરિવારોને તમામ શક્ય સહાય અને સપોર્ટ આપવાની ખાતરી પણ આપી.

ઇજાગ્રસ્તોને તાત્કાલિક સારવાર માટે સાવરકુંડલા સિવિલ હોસ્પિટલ ખાતે ખસેડવામાં આવ્યા હતા, જ્યાં તમામને આવશ્યક સારવાર આપવામાં આવી રહી છે. ધારાસભ્યશ્રીએ હોસ્પિટલ ખાતે પણ મુલાકાત લઈ તબીબી ટીમ સાથે ચર્ચા કરી અને ઈજાગ્રસ્તોના સારવાર કાર્યો ઝડપથી અને અસરકારક રીતે થાય તેની જરૂરી સૂચના આપી.