રાજ્ય વેરા નિરીક્ષકની પરીક્ષા શાંતિપૂર્ણ વાતાવરણમાં યોજાય તે હેતુથી જરૂરી પ્રતિબંધો ફરમાવતું જાહેરનામું બહાર પાડતા અધિક જિલ્લા મેજીસ્ટ્રેટશ્રી

ભાવનગર શહેરમાં આગામી તા.૦૪/૦૧/૨૦૨૬ ને રવિવારના રોજ ગુજરાત જાહેર સેવા આયોગ,
ગાંધીનગર દ્વારા રાજય વેરા નિરીક્ષક, વર્ગ-૩ (જાહેરાત ક્રમાંક:૨૭/૨૦૨૫-૨૬) માટે પ્રિલિમિનરી પરીક્ષા લેવાનાર
છે. આ પરીક્ષા દરમિયાન પરીક્ષા કેન્દ્રો ખાતે પરીક્ષાર્થીઓ નિર્ભયતાથી, શાંતિપૂર્વક તેમજ એખલાસભર્યા
વાતાવરણમાં પરીક્ષા આપી શકે, પરીક્ષા કેન્દ્રોની આજુબાજુના વિસ્તારોમાં અસામાજિક ગુંડા તત્વો એકઠા થઈ
પરીક્ષાર્થીઓને ખલેલ પહોંચાડે નહિ તેમજ કાયદો અને વ્યવસ્થાની પરીસ્થિતિ જળવાઈ રહે તે માટે ભારતીય
નાગરિક સુરક્ષા સંહિતા-ર૦ર૩ ની કલમ-૧૬૩ ની પેટા કલમ (૧) મુજબ મળેલ અધિકારની રૂઈએ અધિક જિલ્લા
મેજિસ્ટ્રેટશ્રી ભાવનગર દ્વારા જાહેર હિતમાં ફરમાવવામાં આવે છે કે રાજય વેરા નિરીક્ષક, વર્ગ-૩ (જાહેરાત ક્રમાંક:
૨૭/૨૦૨૫-૨૬) ની પરીક્ષા માટે તા.૦૪/૦૧/૨૦૨૬ ના રોજ આ સાથેની યાદી મુજબના પરીક્ષા કેન્દ્રો ખાતે નીચે
મુજબના પ્રતિબંધો રહેશે.
પરીક્ષાના દિવસે પરીક્ષા કેન્દ્રોની ૧૦૦ મીટરની ત્રિજયામાં આવેલ ઝેરોક્ષ/ફેક્સ/સ્કેનરનાં ઉપયોગ પર,
પરીક્ષા કેન્દ્રની ૧૦૦ મીટરની ત્રીજયામાં મોટા અવાજે લાઉડ સ્પીકર કે બેન્ડવાજા વગેરે ધ્વનિવર્ધક સાધનોનાં
ઉપયોગ પર, પરીક્ષા કેન્દ્રમાં મોબાઈલ ફોન કે અન્ય ઇલેક્ટ્રોનિક ગેઝેટ લઇ જવા પર અને તેનાં ઉપયોગ પર, ૨૦૦
મીટરની ત્રિજ્યામાં ૪ કે તેથી વધુ માણસોનાં એકઠા થવા પર તથા પરીક્ષા કેન્દ્રમાં કોઈ અનઅધિકૃત વ્યક્તિનાં પ્રવેશ
પર પ્રતિબંધ મૂકવામાં આવે છે.
આ જાહેરનામાનો ભંગ/ઉલ્લંઘન કરનારને ભારતીય ન્યાય સંહિતા-૨૦૨૩ની કલમ-૨૨૩ મુજબ સજા થશે.
જાહેરનામાનો અમલ અને તેના ભંગ બદલના પગલા લેવા તથા ફોજદારી કામ માંડવા માટે હેડ કોન્સ્ટેબલથી નીચેના
ન હોય તેવા ફરજ પરના અધિકારીશ્રીને અધિકાર રહેશે.