એગ્રીસ્ટેક પ્રોજેક્ટ-ખેડૂતોને ફાર્મર આઈ.ડી. મળશે

એગ્રીસ્ટેક પ્રોજેક્ટ અંતર્ગત ભારત અને ગુજરાત સરકારના સંયુક્ત પ્રયાસોથી ફાર્મર રજીસ્ટ્રી હેઠળ ખેડૂતોને આધાર આઈ.ડી.ની જેમ ફાર્મર આઈ.ડી.મળશે. રાજ્યમાં પી.એમ.કિસાન યોજના તળે ૧૯માં હપ્તા માટે ભારત સરકાર દ્વારા ખેડુત આઈ.ડી.ની નોંધણી ફરજિયાત છે. પી.એમ. કિસાન યોજનામાં સેલ્ફ રજિસ્ટ્રેશનથી અરજી કરતા સમયે અપ્લીકેશન ફોર્મમાં ફાર્મર આઈ.ડી.ની વિગતો આપવી પડશે.

  રાજ્યમાં એગ્રીસ્ટેક-ડી.પી.આઈ. હેઠળ ખેડુત નોંધણીની કામગીરી ગ્રામ્ય લેવલે ઝૂંબેશ સ્વરૂપે કરવામાં આવી રહી છે. જેના અંતર્ગત રાજ્યના પી.એમ કિસના યોજનાના તમામ લાભાર્થીઓએ યોજનાના આગામી ૧૯માં હપ્તાનો લાભ મેળવવા માટે ફાર્મર રજિસ્ટ્રી કરાવવાની રહેશે. પી.એમ. કિસાન પોર્ટલ પર નવા અરજદારોએ અરજી કરતા પહેલા ફાર્મર આઈ.ડી મેળવવી જરૂરી છે.

રજીસ્ટ્રી હેઠળ ખેડૂતોને ડિજિટલ પ્લેટફોર્મ  મારફતે તમામ વિવિધ યોજનાકીય લાભો,  ધિરાણ સંબંધી લાભો અને માર્કેટ સંબંધી જાણકારી સરળ બનશે. કેન્દ્ર સરકાર દ્વારા પી.એમ. કિસાન યોજનાના લાભાર્થીઓને આગામી હપ્તા માટે ખેડુત આઈ.ડી.ની નોંધણી ફરજિયાત કરવામાં આવી હોવાથી સત્વરે આ પ્રક્રિયા પૂર્ણ કરવા અનુરોધ કરવામાં આવ્યો છે.

આ બાબતે ખેડૂતોએ આધાર કાર્ડ,આધાર કાર્ડ સાથે લીંક મોબાઈલ નંબર અને ૮-અ નકલ, ૭-૧૨ નકલની વિગત સાથે વધુ વિગતો માટે ગ્રામ્ય કક્ષાએ સંબંધિત ગ્રામ પંચાયત કચેરીના વિલેજ કમ્પ્યુટર એન્ટરપ્રિન્યોર (વિ.સી.ઇ.)નો સંપર્ક કરવાનો રહેશે જ્યારે શહેરી વિસ્તારમા સીટી તલાટીનો સંપર્ક કરી ડેટા એન્ટ્રી ઓપરેટર મારફતે રજિસ્ટ્રેશન કરાવવાનું રહેશે. વધુ જાણકારી માટે ગામના તલાટી કમ મંત્રીશ્રી, સીટી તલાટી (કસ્બા તલાટી), તાલુકા કક્ષાએ તાલુકા વિકાસ અધિકારીશ્રી, મામલતદારશ્રીનો સંપર્ક કરવા  અમરેલી જિલ્લા ખેતીવાડી અધિકારીશ્રીએ એક અખબારી યાદીમાં જણાવ્યુ છે.