એએમસીના આરોગ્ય વિભાગ દ્વારા શહેરના વિવિધ વિસ્તારોમાં દરોડા; ૩૪૯ એકમને નોટિસ, ૨.૩૫ લાખથી વધુનો દંડની વસૂલાત

રાજ્યમાં આકરી ગરમી પડી રહી છે ત્યારે અમદાવાદ મ્યુનિસિપલ કોર્પોરેશન (છસ્ઝ્ર) આરોગ્ય વિભાગ પણ એલર્ટ મોડમાં આવી એક્શન લેવાની કામગીરી શરૂ કરી દીધી છે અને શહેરમાં છેલ્લા ૧ સપ્તાહથી ઝુંબેશ શરૂ કરી છે. જેમાં આરોગ્ય વિભાગે છેલ્લા એક અઠવાડિયામાં અખાદ્ય પદાર્થો સહિતના મુદ્દે ૩૪૯ એકમને નોટિસ ફટકારવામાં આવી છે અને વિવિધ એકમો પાસેથી રૂ.૨.૩૫ લાખથી વધુનો દંડ પણ વસુલવામાં આવ્યો હતો.
અમદાવાદ શહેરના વિવિધ વિસ્તારોમાં છસ્ઝ્રના આરોગ્ય વિભાગ દ્વારા દરોડા પાડવામાં આવ્યા હતા. જેમાં આરોગ્ય વિભાગે ૯૧૬ ખાદ્ય પદાર્થોના સેમ્પલ લીધા હતા. જેમાંથી અખાદ્ય પદાર્થો મામલે વિવિધ એકમો પાસેથી રૂ. ૨.૩૫ લાખનો દંડ વસુલવામાં આવ્યો હતો. તેમજ ૬૦૦ કિલોગ્રામથી વધુનો અખાદ્ય પદાર્થના જથ્થાનો નાશ કરવામાં આવ્યો હતો. આ સાથે ૧૯૩ સ્થળે તેલની ગુણવતા ચેક કરવા માટે આરોગ્ય વિભાગે ્ઁઝ્ર ટેસ્ટ કર્યા હતા.
અમદાવાદ મહાનગરપાલિકાએ શુક્રવારે (૨૫ એપ્રિલ, ૨૦૨૫) શહેરના કર્ણાવતી ક્લબની સામે આવેલી દુકાનો અને કોમર્શીયલ શેડના એકમોમાં ચાલતી ધંધાકીય પ્રવૃત્તિથી ત્યાં આવતા લોકો પાર્કિંગ જાહેર રસ્તા પર કરતાં હોવાથી અવર-જવર કરનારા લોકોને મુશ્કેલી ભોગવવી પડે છે.જેને લઈને છસ્ઝ્ર દ્વારા ૧૨ દુકાનોને સીલ કરી દેવામાં આવી છે.
મહત્વનું છે કે, જ્યારે અમદાવાદ ક્રાઈમ બ્રાન્ચે શહેરના બાતમીના આધારે ખોખરા અને દાણીલીમડામાં તપાસ આદરી હતી. જેમાં ખોખરામાં કોહિનુર સ્ટોરમાંથી ૨૬ ડુપ્લીકેટ કપાસિયા તેલના ડબ્બા મળી આવ્યા હતા. જેમાં પોલીસે રૂ.૬૧૦૦૦ કિંમતનો જથ્થો જપ્ત કરીને ફારૂક સલીમભાઈ ઉર્ફે રાજુભાઈ સૈયદ સામે ગુનો નોંધ્યો હતો. બીજી તરફ દાણીલીમડામાં તવક્કલ ટ્રેડર્સ દુકાનમાંથી ૨૫ કિંમતના ૧૧ ડુપ્લીકેટ તેલના ડબ્બા મળી આવતા સુલતાન સૈયદ નામના વેપારી સામે ગુનો નોંધીને આગળની કાર્યવાહી હાથ ધરી છે.