fbpx
અમરેલી

અમરેલી જિલ્લામાં કોવિડ-૧૯ ના કારણે બાબરાના લોન કોટડાના ૫૫ વર્ષીય મહિલાનું દુઃખદ અવસાન : કુલ મૃત્યુ આંક ૧૬ થયો

આજે તા. ૧૮ જુલાઈના અમરેલી જિલ્લામાં બપોરે ૧૨ વાગ્યા પહેલા કોવિડ-૧૯ના વધુ ૯ પોઝિટિવ કેસ નોંધાયેલ છે. લીલીયાના મોટા કણકોટના ૩૬ વર્ષીય પુરુષ, લાઠીના કૃષ્ણગઢના ૨૮ વર્ષીય યુવાન, અમરેલીના દેવરાજીયાના ૫૫ વર્ષીય પુરુષ, સાવરકુંડલાના ધાર-કેરાળાના ૪૫ વર્ષીય મહિલા, ખાંભાના મોટા બારમણના ૫૫ વર્ષીય પુરુષ, બગસરાના ખારીના ૫૯ વર્ષીય પુરુષ, બાબરાના લોન કોટડાના ૫૫ વર્ષીય મહિલા, બગસરાના નવા વાઘણિયાના ૩૭ વર્ષીય પુરુષ અને અમરેલીના ગજેરાપરા-૩ના ૫૦ વર્ષીય પુરુષના કોવિડ-૧૯ના રિપોર્ટ પોઝિટિવ આવેલા છે.
હાલ આ દર્દીના રહેઠાણની આસપાસના વિસ્તારને કંટેઇન્મેન્ટ ઝોન જાહેર કરવાની તેમજ દર્દીના સંપર્કમાં આવેલા લોકોને કોરેન્ટાઇન કરવાની કામગીરી તંત્ર દ્વારા હાથ ધરવામાં આવી છે. આમ અમરેલી જિલ્લામાં ૧૬ મૃત્યુ, ૧૧૦ ડિસ્ચાર્જ થઈને ઘરે ગયા છે તેમજ ૮૯ સારવાર હેઠળ છે. આજ સુધી કુલ ૨૧૫ પોઝિટિવ કેસ નોંધાયેલ છે.
આપને કે આપની આજુબાજુમાં કોઈને પણ તાવ-શરદી-ખાંસી કે ગળામાં દુઃખાવા જેવા લક્ષણો જણાય તો આરોગ્ય વિભાગના કંટ્રોલ રૂમ નંબર ૦૨૭૯૨-૨૨૮૨૧૨ તથા ૮૨૩૮૦ ૦૨૨૪૦ અથવા રાજ્યની હેલ્પલાઇન ૧૦૪ કે કેન્દ્રની હેલ્પલાઇન ૧૦૭૫ ઉપર તાત્કાલિક જાણ કરવા આરોગ્ય વિભાગ દ્વારા અનુરોધ કરવામાં આવે છે. આવી માહિતી છુપાવવી કે મોડી આપવી જોખમી સાબિત થઈ શકે છે.

Follow Me:

Related Posts