દામનગર મોર્ડન ગ્રીન તાલુકા શાળા ખાતે વિશ્વ ચકલી દિવસ ઉજવણી
![](https://citywatchnews.com/wp-content/uploads/2023/03/IMG-20230320-WA0025-1140x620.jpg)
આજ રોજ દામનગર શહેરની સરકારી પ્રાથમિક શાળા નંબર એક ગ્રીન સ્કૂલમાં વિશ્વ ચકલી દિવસની ઉજવણી કરવામાં આવી ચકલી એટલે નાના બાળકોને પ્રિય પક્ષી અને બાળપણની યાદો તાજી કરતું પક્ષી એ ચકલી હવે કોંક્રિટના જંગલોમાં ખોવાઈ ગઈ છે.માણસો વચ્ચે રહેવું ચકલીને ખૂબ જ ગમે છે ત્યારે કવિ શ્રી રમેશ પારેખની પંક્તિ ઘરના ફળિયામાં ચકલીનું બેસવું એ જ મારું રજવાડું શબ્દો સૂચવે છે કે પર્યાવરણમાં ચકલીનું કેટલું મહત્વ છે.
આ શાળામાં 400 જેટલા વિદ્યાર્થીઓ અભ્યાસ કરે છે આ દિવસે દરેક બાળકોએ ચકલીના માળા બનાવી ચકલી બચાવ અભિયાનમાં પોતાની ભાગીદારી દર્શાવી છે જેમાં દામનગર તથા અન્ય શહેર અને રાજ્યોમાં માળા બનાવી ચકલી બચાવવાના અભિયાનમાં જોડાયેલ પ્રકાશભાઈ અડીયેચા એ વિદ્યાર્થીઓને ચકલી ના માળા આપી ખૂબ જ પ્રોત્સાહિત કર્યા શાળાના આચાર્ય જીગ્નેશભાઈ વાઘેલા તેમજ શિક્ષક મિત્રોએ બાળકોની આ પ્રવૃત્તિને ખૂબ જ આવકારી હતી.
Recent Comments