બાંગ્લાદેશની ઢાકા યુનિવર્સિટીએ પાકિસ્તાની વિદ્યાર્થીઓ પરનો પ્રતિબંધ હટાવ્યો

બાંગ્લાદેશની ઢાકા યુનિવર્સિટીએ દ્વિપક્ષીય શૈક્ષણિક સંબંધોને પ્રોત્સાહન આપવા માટે પાકિસ્તાની વિદ્યાર્થીઓ પરનો પ્રતિબંધ હટાવ્યો છે. યુનિવર્સિટીના પ્રો વાઇસ ચાન્સેલર (એડમિન) પ્રોફેસર સાયમા હકના જણાવ્યા અનુસાર, હવે પાકિસ્તાની વિદ્યાર્થીઓને ઢાકા યુનિવર્સિટી (ડીયુ)માં પ્રવેશ લેવાની મંજૂરી આપવામાં આવશે. આ ઉપરાંત, બાંગ્લાદેશી વિદ્યાર્થીઓને પણ પાકિસ્તાનમાં ઉચ્ચ શિક્ષણ મેળવવાની તક મળશે, એક્સપ્રેસ ન્યૂઝના અહેવાલ મુજબ, બંને દેશો વચ્ચે શૈક્ષણિક સહયોગને પ્રોત્સાહન આપવા માટે પાકિસ્તાની વિદ્યાર્થીઓ પરનો પ્રતિબંધ દૂર કરવાનો ર્નિણય લેવામાં આવ્યો છે. પ્રોફેસર સાયમા હકે આ વાતની પુષ્ટિ કરી છે અને કહ્યું છે કે યુનિવર્સિટીના વાઇસ ચાન્સેલર પ્રોફેસર નિયાઝ અહેમદ ખાન કેટલાક મહત્વપૂર્ણ દસ્તાવેજાે પર હસ્તાક્ષર કર્યા પછી આ ર્નિણય લાગુ કરવામાં આવશે.

તેમણે કહ્યું કે વાઈસ ચાન્સેલર હાલ દેશની બહાર છે. બાંગ્લાદેશી મીડિયા આઉટલેટ અનુસાર, પાકિસ્તાને ઢાકા યુનિવર્સિટીના વિદ્યાર્થીઓ અને શિક્ષકોને ફાયદો પહોંચાડવા માટે શિષ્યવૃત્તિ અને સેમિનારનું આયોજન કરવાનો પ્રસ્તાવ મૂક્યા બાદ આ ર્નિણય લેવામાં આવ્યો છે. સાયમા હકે જણાવ્યું કે જ્યારે વાઇસ ચાન્સેલરે આ પ્રસ્તાવ ડ્ઢેં યુનિયન સમક્ષ મૂક્યો તો તેઓએ સર્વસંમતિથી તેનો સ્વીકાર કર્યો. નીતિઓમાં મોટા ફેરફારમાં, ઢાકા યુનિવર્સિટીએ ફરી એકવાર વિદ્યાર્થીઓ અને શિક્ષકોના હિતોને ધ્યાનમાં રાખીને પાકિસ્તાન સાથે શૈક્ષણિક વિનિમય સ્થાપિત કરવાનો ર્નિણય લીધો છે.

ઢાકા યુનિવર્સિટીએ લગભગ એક દાયકા પહેલા પાકિસ્તાન સાથે શૈક્ષણિક સંબંધો પર પ્રતિબંધ મૂક્યો હતો. ૧૪ ડિસેમ્બર ૨૦૧૫ ના રોજ, પાકિસ્તાની વિદ્યાર્થીઓ માટે તેમના દરવાજા બંધ કરીને, પાકિસ્તાની સંસ્થાઓ સાથેના તમામ સંબંધો તોડી નાખવામાં આવ્યા હતા. ઢાકા યુનિવર્સિટીના તત્કાલીન વાઇસ ચાન્સેલર પ્રોફેસર એએએમએસ અરેફિન સિદ્દીકની અધ્યક્ષતામાં ડીયુ યુનિયન દ્વારા આ ર્નિણય લેવામાં આવ્યો હતો. આ પ્રતિબંધ હેઠળ ડ્ઢેંએ તેના વિદ્યાર્થીઓ, શિક્ષકો અને પ્રતિનિધિઓને પાકિસ્તાની સંસ્થાઓની મુલાકાત લેવા પર પ્રતિબંધ મૂક્યો હતો. આ ઉપરાંત, તેણે શૈક્ષણિક હેતુઓ માટે પાકિસ્તાની પ્રતિનિધિમંડળને સ્વીકારવાનો પણ ઇનકાર કર્યો હતો.

તાજેતરના સમયમાં અમેરિકામાં પાકિસ્તાની વિદ્યાર્થીઓની સંખ્યામાં વધારો થયો છે. ઈસ્લામાબાદમાં અમેરિકી રાજદૂત ડોનાલ્ડ બ્લૂમે કહ્યું છે કે અમેરિકન યુનિવર્સિટીઓમાંથી સ્નાતક થયેલા પાકિસ્તાનીઓ બિઝનેસ, રાજકારણ અને સંસ્કૃતિમાં અસરકારક યોગદાન આપી રહ્યા છે. એજ્યુકેશન-યુએસએના વાર્ષિક કાર્યક્રમમાં બોલતા, બ્લૂમે સ્ટેટ ડિપાર્ટમેન્ટના વાર્ષિક ઓપન-ડોર્સ રિપોર્ટના મુખ્ય મુદ્દાઓ શેર કર્યા. રિપોર્ટ અનુસાર, વર્ષ ૨૦૨૨-૨૩માં લગભગ ૧૦ હજાર પાકિસ્તાની વિદ્યાર્થીઓ અમેરિકાના ગ્રેજ્યુએટ, અંડર-ગ્રેજ્યુએટ અને નોન-ડિગ્રી પ્રોગ્રામ હેઠળ નોંધાયા હતા. આગામી વર્ષ એટલે કે ૨૦૨૩-૨૪માં તે વધીને ૧૧ હજાર થઈ ગયો છે, જે એક નવો રેકોર્ડ છે. જાે વિદેશથી આવીને અમેરિકામાં એડમિશન લેવાના વિદ્યાર્થીઓની વાત કરીએ તો પાકિસ્તાન ૧૬માં સ્થાને છે.