આજથી ધોરણ- ૧૦ અને ધો- ૧૨ ની રીપીટર પરીક્ષાનો પ્રારંભ

ભાવનગરમાં આજથી ધોરણ- ૧૦ અને ધો- ૧૨ ની રીપીટર પરીક્ષાનો પ્રારંભ થયો છે. કોરોનાને કારણે વિલંબિત પરીક્ષા કોરોનાનો પ્રભાવ ઓછો થતાં કોરોનાની ગાઇડલાઇન પ્રમાણે આજથી શરૂ થઇ છે.

 આ પરીક્ષાઓ ધોરણ- ૧૦ માટે તા. ૧૫-૦૭-૨૦૨૧ થી તા. ૨૭-૦૭-૨૦૨૧ સુધી, ધોરણ- ૧૨ (સામાન્ય પ્રવાહ)ની તા. ૧૫-૦૭-૨૦૨૧ થી તા. ૨૮-૦૭-૨૦૨૧ સુધી અને ધોરણ- ૧૨ (વિજ્ઞાન પ્રવાહ) ની પરીક્ષા તા. ૧૫-૦૭-૨૦૨૧ થી તા. ૨૬-૦૭-૨૦૨૧ સુધી લેવામાં આવશે.

આ પરીક્ષામાં ધોરણ- ૧૦ ના ૨૩,૩૪૬ અને ધોરણ- ૧૨ (સા.પ્ર.) ના ૭,૩૮૪ અને ધોરણ – ૧૨ (વિ.પ્ર.) ના ૧,૦૦૮ વિદ્યાર્થીઓ એમ કુલ મળી ૩૧,૭૩૮ પરીક્ષાર્થીઓ પરીક્ષા આપશે. પરીક્ષા માટે કુલ- ૧,૨૯૭ બ્લોક અને ૧૪૪ બિલ્ડીંગમાં પરીક્ષા લેવામાં આવશે. આજથી પરીક્ષાઓની શાંતિપૂર્ણ માહોલમાં શરૂઆત થઇ છે