બાઈડેનના પુત્રએ તેની ભાભીને જ ગર્લફ્રેન્ડ બનાવી હતી, બાદમાં ગર્લફ્રેન્ડે જ તેને જેલ ભેગો કર્યો

જાે બાઈડેન અમેરિકી રાષ્ટ્રપતિ પદ પરથી રાજીનામું આપવાના છે. ૨૦ જાન્યુઆરી, ૨૦૨૫ના રોજ, તેઓ સંપૂર્ણપણે ડોનાલ્ડ ટ્રમ્પને સત્તા સોંપશે. જતા પહેલા જાે બાઈડેને તેમના પુત્રએ કરેલા ગુનાઓ માટે માફી આપી દીધી છે. તેમની માફીની પણ ઘણી ટીકા થઈ રહી છે. આશ્ચર્યજનક વાત એ છે કે હન્ટર બાઈડેનના પિતાએ રાષ્ટ્રપતિ તરીકે તેને આ ગુનાઓ માટે માફી આપી દીધી છે, જાે કે, હન્ટર સામેના આ આરોપો તેની પોતાની ભાભી અને બાદમાં ગર્લફ્રેન્ડ બનેલી હેલી ઓલિવરની જુબાની બાદ જ સાબિત થયા હતા. તેનો અર્થ એ કે પરિવારના સભ્યએ તેને દોષિત ઠેરવવામાં મહત્વની ભૂમિકા ભજવી અને પછી પરિવારના સભ્યએ જ માફી આપી. એટલું જ નહીં, હંટર અને હેલી વચ્ચેના સંબંધો પણ ઓછા વિચિત્ર નથી. હેલી ઓલિવર યુએસ પ્રમુખ જાે બાઈડેનના બીજા પુત્રની પત્ની છે. હેલીએ ૨૦૦૨માં બ્યુ બાઈડેન સાથે લગ્ન કર્યા હતા. બ્યુનું ૨૦૧૫માં કેન્સરથી અવસાન થયું હતું. જ્યાં સુધી બ્યુ જીવતો હતો ત્યાં સુધી હેલી ઓલિવર તેના ભાઈ હન્ટરની ભાભી હતી. પરંતુ બ્યુના મૃત્યુ પછી, હેલી અને હન્ટર નજીક આવ્યા અને ૨૦૧૬થી ૨૦૧૮ સુધી એકબીજાને ડેટ કરી રહ્યા હતા.

જાે કે, બાદમાં આ હેલીએ જ બંદૂકના કેસમાં હન્ટર સામે જુબાની આપી હતી. જે બાદ હન્ટરને દોષી ઠેરવવામાં આવ્યો હતો. હેલીએ પોતાની જુબાનીમાં કહ્યું હતું કે ઓક્ટોબર ૨૦૧૮માં તેણે હન્ટર બાઈડેન પાસે બંદૂક જાેઈ હતી અને બાદમાં તેણે જ બંદૂક ડસ્ટબિનમાં ફેંકી દીધી હતી. તેને ડર હતો કે હન્ટર પોતાને અથવા તેના બાળકોને નુકસાન પહોંચાડી શકે છે. તે સમયે હંટર અને હેલી રિલેશનશિપમાં હતા. બાદમાં પોલીસે સીસીટીવી ફૂટેજ દ્વારા તેને શોધી લીધી હતી. હેલી ઓલિવરે તો ત્યાં સુધી કહ્યું કે હન્ટર બાઈડેનને જ તેને પ્રથમ વખત ડ્રગ્સથી પરિચિત કરાવી હતી. આ પછી તે નશાની લતનો શિકાર બની હતી. તેને ૪ વખત રિહેબિલિટેશન સેન્ટર જવું પડ્યું. આ કિસ્સામાં હેલીએ સ્વ-બચાવ હેઠળ જુબાની આપી હતી અને પોતાને કાર્યવાહીથી બચાવી હતી.હેલી સાથેના સંબંધોને કારણે હન્ટર તેની પ્રથમ પત્ની કેથલીન બુહલેથી અલગ થઈ ગયો હતો. આ અંગે કેથલીને મેલમાં લખ્યું હતું કે હન્ટરે માત્ર તેની સાથે છેતરપિંડી કરી નથી, પરંતુ હેલી માટે મોંઘી ભેટ પણ ખરીદી છે. આ પછી બાઈડેન પરિવારે પણ હેલી અને હન્ટર વચ્ચેના સંબંધોને મંજૂરી આપી હતી, પરંતુ તેઓ ૨૦૧૯માં અલગ થઈ ગયા હતા. આ પછી આ વર્ષે જૂનમાં હેલીએ સિનસિનાટીના નાણાકીય બ્રોકર જાેન હોપકિન્સ એનિંગ સાથે લગ્ન કરી લીધા હતા.