‘તારક મહેતા…’ના નટ્ટુ કાકા કેન્સર સામે લડી રહ્યા, છેલ્લી ઇચ્છા શેર કરી

લોકપ્રિય નાના પડદાના શો ‘તારક મહેતા કા ઉલટા ચશ્મા’માં નટ્ટુ કાકાની ભૂમિકા નિભાવનાર અભિનેતા ઘનશ્યામ નાયક કેન્સર સામે લડી રહ્યા છે. અભિનેતા ઘનશ્યામ, જેમણે ૭૭ વર્ષની ઉંમરે પણ દર્શકોનું મનોરંજન કર્યું હતું, તેમના ગળા પર કેટલાક ફોલ્લીઓ હતી, જેના પછી તેણે ડોક્ટરને બતાવ્યું. આ વર્ષે એપ્રિલમાં, તેમને કેન્સર ડિટેક્ટ થયું હતું, જેના પછી ફેન્સ તેમના માટે પ્રાર્થના કરી રહ્યા છે.
ઘનશ્યામ નાયકના પરિવારે કીમોથેરાપી સેશન્સ શરૂ કર્યા છે અને ફેન્સ પણ ઈચ્છે છે કે દરેકના મનપસંદ ‘નટ્ટુ કાકા’ જલ્દી સ્વસ્થ થાય અને એકવાર બધાની વચ્ચે પાછા આવે. જાે કે, આ દરમિયાન, એવા સમાચાર પણ આવી રહ્યા છે કે નટ્ટુ કાકાએ તેમની છેલ્લી ઇચ્છા શેર કરી છે. તેમણે કહ્યું, જાે તે મરી જાય છે, તો તે મેકઅપને લગાવીને મરવા માંગે છે.

ઘનશ્યામ નાયકે તેમની છેલ્લી ઇચ્છા શેર કરી છે. ફેન્સના પ્રિય નટ્ટુ કાકાએ કહ્યું, તેઓ તેમના અંતિમ શ્વાસ સુધી કામ ચાલુ રાખવા માંગે છે. ઘનશ્યામ નાયક છેલ્લા ઘણા સમયથી ‘તારક મહેતા કા ઉલટા ચશ્મા’ સાથે સંકળાયેલા છે અને દર્શકોનું મનોરંજન કરે છે.

ગયા વર્ષે ઘનશ્યામ નાયકના ગળામાં ઓપરેશન થયું હતું, જેમાં ૮ ગાંઠ નીકાળવામાં આવી હતી. સતત સારવાર બાદ હવે તેમની હાલતમાં ઘણો સુધારો થયો છે. આ મુશ્કેલ સમય દરમિયાન પણ તે ગુજરાતના દમણમાં આ શો માટે શૂટિંગ કરી રહ્યા હતા. ઘનશ્યામ નાયક આગામી એપિસોડ અને શૂટિંગ મુંબઈમાં થવાના કારણે ઉત્સાહિત છે.