મુખ્યમંત્રી ભૂપેન્દ્ર પટેલની ઉપસ્થિતિમાં Mxkxoy, અમદાવાદ ખાતે સ્ટાર્ટઅપ ક્ષેત્રે મહિલા ઇનોવેટર્સના યોગદાનની ઉજવણી

મહિલા સ્ટાર્ટઅપ પ્રદર્શનમાં એગ્રીટેક, ક્લીન એનર્જી અને હેલ્થકેર સહિતના ક્ષેત્રોના વિશેષ ઇનોવેશન્સ ધરાવતા ૧૫ સ્ટાર્ટ અપે ભાગ લીધો રાજ્યના મુખ્યમંત્રી ભૂપેન્દ્ર પટેલના નેતૃત્વમાં રાજ્ય સરકારના બે વર્ષ પૂર્ણ થવાના અવસર પર સેવા, સંકલ્પ અને સમર્પણના બે વર્ષની ઉજવણી કરવામાં આવી રહી છે.આ ઉજવણી અંતર્ગત મુખ્યમંત્રી ભૂપેન્દ્ર પટેલના અધ્યક્ષસ્થાને ૈ-ૐેહ્વ, અમદાવાદ ખાતે સ્ટાર્ટઅપ ક્ષેત્રે મહિલા ઇનોવેટર્સના યોગદાનની ઉજવણી કરતી ‘સેલિબ્રેટિંગ વુમન સ્ટાર્ટઅપ્સ એન્ડ ઈનોવેટર્સ’ ઇવેન્ટનું આયોજન કરવામાં આવ્યું હતું. મુખ્યમંત્રી ભૂપેન્દ્ર પટેલે આ પ્રસંગે મહિલા સ્ટાર્ટઅપ પ્રદર્શનનું ઉદ્‌ઘાટન કરીને પ્રદર્શનની મુલાકાત લીધી હતી.

આ પ્રદર્શનમાં ક્લીન ટેક્નોલોજી, એગ્રીટેક, હેલ્થકેર અને ડીપ ટેક સહિત વિવિધ ક્ષેત્રોની મહિલા ઉદ્યોગસાહસિકોના વિશિષ્ટ કાર્યને પ્રદર્શિત કરવામાં આવ્યું હતું. વિવિધ ક્ષેત્રોના મહિલા સ્ટાર્ટઅપ્સ અને મહિલા ઉદ્યોગસાહસિકોએ આ પ્રદર્શનમાં ઉત્સાહભેર ભાગ લીધો હતો. ગુજરાત નોલેજ સોસાયટી અને ૈ-ૐેહ્વ દ્વારા યોજાયેલા આ કાર્યક્રમમાં મુખ્યમંત્રીએ મહિલા ઉદ્યોગ સાહસિકો સાથે સંવાદ સાધીને તેમની સ્ટાર્ટઅપ સફર વિશે જાણકારી મેળવી હતી.મુખ્યમંત્રીએ ઇન્ટરેક્ટિવ સત્ર દરમ્યાન જણાવ્યું હતું કે, મહિલા સ્ટાર્ટઅપ્સ માટે ટેસ્ટિંગ અને વેલિડેશન અંગેની સુવિધાઓ આપવામાં આવશે.

જેના થકી તેમના માઇન્ડ-ટુ-માર્કેટ સુધી પહોંચવાના પ્રયાસોને વેગ મળશે. સેલિબ્રેટિંગ વુમન સ્ટાર્ટઅપ્સ એન્ડ ઈનોવેટર્સ’ કાર્યક્રમમાં મુખ્યમંત્રી ભૂપેન્દ્ર પટેલે જણાવ્યું હતું કે, વડાપ્રધાન નરેન્દ્ર મોદીના નેતૃત્વમાં ડિજિટલ ઇન્ડિયા, સ્ટાર્ટ અપ ઇન્ડિયા, સ્ટેન્ડ અપ ઇન્ડિયા જેવા અભિયાનોના પરિણામે આજે આપણો દેશ વૈશ્વિક સ્તરે સ્ટાર્ટઅપ ઈકો સિસ્ટમમાં ત્રીજા સ્થાને છે.વધુમાં વાત કરતાં મુખ્યમંત્રીએ જણાવ્યું કે, વડાપ્રધાનએ સૌ દેશવાસીઓને ‘બેક ટુ બેઝિક’નો મંત્ર આપ્યો છે. જેના પરિણામે આજે રિસાયક્લિંગ અને વેસ્ટમાંથી બેસ્ટ જેવા પ્રકલ્પો વધુને વધુ સફળતા પ્રાપ્ત કરીને આગળ વધી રહ્યા છે. આ ક્ષેત્રે ઘણા યુવા ઉદ્યોગ સાહસિકો સારા સમાધાનો લઈને આગળ આવી રહ્યા છે. વિકસિત ભારતના નિર્માણમાં મહિલાઓની ભૂમિકા વિશે વાત કરતાં મુખ્યમંત્રીએ જણાવ્યું હતું કે, આજે અર્થતંત્રમાં મહિલાઓનું યોગદાન ૪૨% જેટલું છે.

મહિલા ઉદ્યોગ સાહસિકોને જરૂરી તમામ સુવિધાઓ અને સહાયો થકી યોગ્ય પ્લેટફોર્મ પૂરું પાડીને વિકસિત ભારતના નિર્માણમાં તેમને વધુને વધુ સહભાગી બનાવવા રાજ્ય સરકાર કટિબદ્ધ છે, એમ તેમણે ઉમેર્યું હતું.સાથે જ, મુખ્યમંત્રીએ સરકારી વિભાગો મહિલા ઉદ્યોગ સાહસિકોના ઉત્પાદનો અપનાવીને તેમને મદદરૂપ થાય તે માટે પણ વ્યવસ્થા વિચારવામાં આવશે, એમ જણાવ્યું હતું. મુખ્યમંત્રીએ વડાપ્રધાનના ‘યહી સમય હૈ, સહી સમય હૈ’ સૂત્રને દોહરાવીને જણાવ્યું હતું કે, આર્ટિફિશિયલ ઇન્ટેલિજન્સ, ડેટા એનાલિટિક્સ સહિતની નવીન ટેકનોલોજી ક્ષેત્રે આજે દેશમાં ઉદ્યોગો અને સ્ટાર્ટઅપ્સને વડાપ્રધાનશ્રીના દૂરંદેશી નેતૃત્વમાં પૂરતી સુવિધાઓ અને સહાયો થકી યોગ્ય પ્લેટફોર્મ પૂરું પાડવા માટે સતત પ્રયાસો હાથ ધરવામાં આવી રહ્યા છે.

ઉદ્યોગ સાહસિકોના સંકલ્પોને સાકાર કરવા માટે કેન્દ્ર અને રાજ્ય સરકાર સતત પ્રતિબદ્ધ છે, એમ એમણે ઉમેર્યું હતું.આજે ‘મેક ઇન ઇન્ડિયા’ અને ‘મેડ ફોર ઓલ’ના મંત્ર સાથે ભારતીય ઉદ્યોગો અને સ્ટાર્ટઅપ્સ વૈશ્વિક હરીફાઈમાં ખૂબ સારું પ્રદર્શન કરી રહ્યા છે, એમ જણાવીને મુખ્યમંત્રીએ સ્ટાર્ટઅપ્સ અને મહિલાઓને વિકસિત ભારતના નિર્માણ માટે પોતાનું યોગદાન આપવાનું અનુરોધ કર્યો હતો. આ ઇવેન્ટમાં ૧૦ મહિલા સ્ટાર્ટઅપ્સને સ્ટાર્ટઅપ સૃજન પહેલ હેઠળ ભંડોળની ફાળવણી કરવામાં આવી હતી તેમજ ૫ મહિલા સ્ટાર્ટઅપ્સને તેમના વિકાસ અને નવીન પ્રયાસોને સરળ બનાવવા માટે ખાતે કો-વર્કિંગ સ્પેસ અંગેના ફાળવણી-પત્રો પ્રદાન કરવામાં આવ્યા.

આ પ્રસંગે ઉચ્ચ અને ટેકનિકલ શિક્ષણ વિભાગના અધિક મુખ્ય સચિવ શ્રીમતી સુનયના તોમરે સ્વાગત પ્રવચન કરતાં જણાવ્યું હતંલ કે, મહિલા ઇનોવેટર્સની સર્જનાત્મકતા અને નવીનતાની ઉજવણી કરવા માટે આ કાર્યક્રમનું આયોજન કરવામાં આવ્યું છે. કાર્યક્રમ અંતર્ગત આયોજિત પ્રદર્શન મહિલા ઉદ્યોગ સાહસિકોના ઉત્પાદનોને પ્રદર્શિત કરવાનું પ્લેટફોર્મ પૂરું પાડે છે. વધુમાં વાત કરતા તેમણે ઉમેર્યું હતું કે,ગુજરાતે એક ઇકોસિસ્ટમ બનાવી છે જે અને સ્ટુડન્ટ સ્ટાર્ટઅપ એન્ડ ઈનોવેશન પોલિસી જેવા કાર્યક્રમો દ્વારા મહિલા ઉદ્યોગ સાહસિકોને સશક્ત બનાવે છે. સાથે જ, તેમણે દ્વારા મહિલા ઉદ્યોગસાહસિકોને પૂરી પાડવામાં આવતી વિવિધ સહાયો અને વિવિધ ઉપક્રમોનો ઉલ્લેખ કરીને જણાવ્યું હતું કે, મહિલાઓમાં ઉદ્યોગ સાહસિકતાને પ્રોત્સાહન આપવામાં મહત્વનો ભાગ ભજવશે. આ પ્રસંગે કમિશનર ઓફ ટેકનિકલ એજ્યુકેશન બંછાનિધિ પાનીએ આભારવિધિ કરતા જણાવ્યું હતું કે, મુખ્યમંત્રી સાથે મહિલા ઉદ્યોગ સાહસિકોનો આજનો સંવાદ તેમને આગળ વધવા માટે પ્રેરણા આપશે. મહિલા ઉદ્યોગસાહસિકોની સર્જનાત્મકતા, તેમના સંશોધનો અને પ્રેરણાને યોગ્ય મંચ આપવા માટે મુખ્યમંત્રી ભૂપેન્દ્ર પટેલના માર્ગદર્શનમાં રાજ્ય સરકાર કટિબદ્ધ છે, એમ તેમણે ઉમેર્યું હતું. સેલિબ્રેટિંગ વુમન સ્ટાર્ટઅપ્સ એન્ડ ઈનોવેટર્સ’ કાર્યક્રમમાં કમિશનરેટ ઓફ હાયર એજ્યુકેશનના ડાયરેકટર દિનેશ ગુરવ, ના સીઈઓ હિરન્મય મહંતા, તથા ગુજરાત નોલેજ સોસાયટીના અધિકારીઓ – કર્મચારીઓ તથા મહિલા ઉદ્યોગ સાહસિકો ઉપસ્થિત રહ્યા હતા.