CM કેજરીવાલે ‘કાન્હા’ સાથે કરી AAPની તુલના, કહ્યું- દૈવીય હસ્તક્ષેપથી બની પાર્ટી

દિલ્હીના મુખ્યમંત્રી અરવિંદ કેજરીવાલે રવિવારે કહ્યું કે, આમ આદમી પાર્ટી (AAP) 2012મા ભગવાનના હસ્તક્ષેપના કારણે અસ્તિત્વમાં આવી અને ભગવાન કૃષ્ણની જેમ, આ પાર્ટી પણ ભ્રષ્ટાચાર, મોંઘવારી અને બેરોજગારી જેવા મોટા રાક્ષસોનો નાશ કરી રહી છે. તેમણે ઇન્દિરા ગાંધી ઇન્દોર સ્ટેડિયમમાં આયોજિત પોતાની પાર્ટીના પહેલા રાષ્ટ્રીય સંમેલનમાં કહ્યું કે, ’26 નવેમ્બર, 2012 એ AAPની સ્થાપના, 1949મા સંવિધાન સભા દ્વારા ભારતના સંવિધાનને સ્વીકારવાના 63 વર્ષ પછી, અનેક મહિનાઓના વિચાર-વિમર્શ ઉપરાંત કરવામાં આવી, આ કોઈ સંયોગ ન હતો.’

અરવિંદ કેજરીવાલે કહ્યું કે, જ્યારે રાજનૈતિક દળોએ ‘સંવિધાનની સ્વતંત્રતાનું અપમાન’ કરવામાં કોઈ કસર છોડી ન હતી, ભગવાનને ત્યારે હસ્તક્ષેપ કરવો પડ્યો અને સંવિધાન બચાવવા માટે 26 નવેમ્બર, 2012 એ આમ આદમી પાર્ટીની સ્થાપના કરવામાં આવી. તેમણે કહ્યું કે, કોઈ પણ અન્ય રાજનૈતિક દળ તે ગતિ અને સ્કેલ પર ક્યારેય આગળ નથી વધ્યું, જેના પર પોતાની સ્થાપના પછી માત્ર 10 વર્ષોમાં AAP વધી છે. જ્યાં પાર્ટી દિલ્હી અને પંજાબમાં સરકાર બનાવવામાં સફળ રહી છે. તેમજ, 20 રાજ્યો અને કેન્દ્ર શાસિત પ્રદેશોના શહેરી અને સ્થાનિક નિગમો, પંચાયતોમાં આના કુલ 1,446 ચૂંટાયેલા પ્રતિનિધિ છે.

અરવિંદ કેજરીવાલે ‘કાન્હા’ સાથે કરી AAPની તુલના

દિલ્હીના મુખ્યમંત્રીએ કહ્યું કે, ‘ભગવાને આ દેશના વિકાસ માટે દરેક રાજ્યમાં AAP ના બીજ વાવ્યા છે. અમને એક મોટી જવાબદારી આપી છે.’ અરવિંદ કેજરીવાલે કહ્યું કે, દિલ્હી અને પંજાબમાં વાવેલા બીજ હવે વૃક્ષોમાં બદલાઈ ગયા છે અને લોકોને પોતાનો સુખદાયક છાયડો અને ફળોનું લાભ આપી રહ્યા છે. આ બીજ હવે ગુજરાતમાં પણ એક વૃક્ષમાં બદલાઈ જશે. કેજરીવાલે કહ્યું કે, લોકો AAP ને તેની ઈમાનદાર રાજનીતિ અને દિલ્હીમાં તેની સરકાર દ્વારા કરવામાં આવેલા કાર્યો માટે જોઈ રહ્યા છે. તેમણે કહ્યું કે, ‘AAP માત્ર 10 વર્ષની પાર્ટી છે, અત્યારે બાળક છે. જેમ કે કાન્હાએ અનેક મોટા દાનવોનો નાશ કર્યો હતો, તેવી જ રીતે આમ આદમી પાર્ટી પણ શક્તિશાળી તાકાતોની સાથે લડી રહી છે. ભ્રષ્ટાચાર, બેરોજગારી અને મોંઘવારી જેવા અનેક મોટા રાક્ષસોને મારી રહી છે.’

BJP એ કેજરીવાલને ગણાવ્યા ‘નિવેદન બહાદુર’

પોતાની પાર્ટી (AAP)ની તુલના ભગવાન કૃષ્ણથી કરવા પર BJP એ અરવિંદ કેજરીવાલ પર નિશાનો સાધ્યો. BJP પ્રવક્તા સંબિત પાત્રાએ એક સંવાદદાતા સંમેલનમાં કહ્યું કે, તે (અરવિંદ કેજરીવાલ) એક ‘સત્તા લોભી’ અને ‘નિવેદન બહાદુર’ છે, જે પોતાની પાર્ટીએ બે રાજ્યોમાં ચૂંટણી જીત્યા બાદ ‘પોતાને ભગવાન’ માની રહ્યા છે. દારૂના લાયસન્સમાં કમિશન ખાતો પોતાની તુલના કાન્હા સાથે કરી રહ્યો છે.

આમ આદમી પાર્ટીના રાજ્યસભા સાંસદ સંજય સિંહે BJP પ્રવક્તા પર પલટવાર કરતા તેમની બુદ્ધિ પર પ્રશ્ન ઉઠાવ્યો. તેમણે કહ્યું કે, ‘આવી બુદ્ધિ ધરાવતા વ્યક્તિ વિશે શું કહેવામાં આવે. કેજરીવાલે ભગવાન કૃષ્ણની પ્રશંસા કરી, તે મણે તે ભ્રષ્ટ અત્યાચારીઓને ખતમ કર્યું, જે નફરત અને આતંક ફેલાવી રહ્યા હતા. તે ઉદાહરણ આપી રહ્યા હતા.’