ડી.એમ.એફ. ફંડમાંથી કુંકાવાવ તાલુકાના તોરી ગામ માટે વિકાસલક્ષી 29 કામો માટે રૂપિયા ૧ કરોડ ૮૦ લાખની થશે ફાળવણી

ડિસ્ટ્રિક્ટ મિનરલ ફાઉન્ડેશન ફંડ અંતર્ગત કુંકાવાવ તાલુકાના તોરી ગામ માટે ધારાસભ્ય કૌશિક વેકરિયાના પ્રયત્નોથી ગામની આંતરમાળખાકીય સુવિધાઓમાં વધારો થાય તે માટે વિવિધ વિકાસલક્ષી કામો મંજૂર કરવા ભલામણ કરવામાં આવેલ. જે સંદર્ભે તોરી ગામને આંતરમાળખાકીય સુવિધાઓ જેવી કે, સી.સી.રોડ, બ્લોક રોડ, ભૂગર્ભ ગટર, પીવાના પાણી માટે કૂવો, હાઇસ્કૂલમાં લાઇબ્રેરી હોલ, અમૃત સરોવર, આંગણવાડી માટે મકાન તથા કમ્પાઉન્ડ વોલ વગેરે જેવા કામો માટે ડી.એમ.એફ. ફંડમાંથી રૂપિયા એક કરોડ એંસી લાખ જેવી માતબર રકમની ફાળવણી થનાર હોય, આગામી દિવસોમાં તોરી ગામ વિવિધ વિકાસલક્ષી કામોથી નવું કલેવર ધારણ કરશે.