નશામાં ધૂત ડંપર ચાલકે ફૂટપાથ પર સૂઈ રહેલા ૯ લોકોને કચડી નાખ્યા, બે માસૂમ બાળકો સહિત ૩ના મોત

મહારાષ્ટ્રના પુણેમાં ફૂટપાથ પર સૂઈ રહેલા લોકોને ડંપર અડફેટમાં લઈ લીધા. મળતી માહિતી મુજબ અકસ્માતમાં ૯ લોકોને ડંપરે કચડી નાખ્યા. જેમાંથી ૩ લોકોના ઘટનાસ્થળે જ મોત નિપજ્યા. જેમાં ૨ બાળકો અને એક વ્યક્તિ સામેલ છે. જે બાળકના કાકા છે. આ સાથે જ ૬ લોકો ગંભીર રીતે ઘાયલ થયા છે. જેમને સારવાર માટે હોસ્પિટલમાં ખસેડવામાં આવ્યા છે. આ ઘટના વાઘોલીના કેસનંદ ફાટા પોલીસ સ્ટેશનની સામે રાતે લગભગ ૧ વાગ્યાની આસપાસ ઘટી. મળતી માહિતી મુજબ ડંપરનો ડ્રાઈવર નશામાં ધૂત હતો. મૃતકોમાં વિશાલ વિનોદ પવાર (૨૨), વૈભવી રિતેશ પવાર (૧), વૈભવ રિતેશ પવાર (૨)ના નામ સામેલ છે. જ્યારે ઘાયલોમાં સામેલ લોકોને નામ ૧. જાનકી દિનેશ પવાર (૨૧), ૨. રિનિશા વિનોદ પવાર (૧૮), ૩. રોશન શશાદૂ ભોસલે (૯), ૪. નગેશ નિવૃત્તિ પવાર (૨૭), ૫. દર્શન સંજય વૈરાલ (૧૮) અને ૬. આલિશા વિનોદ પવાર (૪૭).