અગાઉ, વિજ્ઞાન અને ટેકનોલોજી મંત્રાલય વતી ડૉ. જિતેન્દ્ર સિંહ દ્વારા આંબેડકર ઇન્ટરનેશનલ સેન્ટર ખાતે આવી જ રક્તદાન શિબિર શરૂ કરવામાં આવી હતી

ભારતના સંરક્ષણ દળો અને રાષ્ટ્રીય સેવાના વિશાળ હેતુ સાથે એકતાના હૃદયપૂર્વકના સંકેતમાં, કેન્દ્રીય મંત્રી ડૉ. જિતેન્દ્ર સિંહે આજે સ્વૈચ્છિક રક્તદાન શિબિરનું ઉદ્ઘાટન કર્યું હતું.
આ શિબિરનું આયોજન નોર્થ બ્લોક ખાતે ડિપાર્ટમેન્ટ ઓફ પર્સનલ એન્ડ ટ્રેનિંગ (ર્ડ્ઢઁ્) દ્વારા કરવામાં આવ્યું હતું, જ્યાં ૧૫૦થી વધુ કર્મચારીઓએ રક્તદાન કર્યું હતું.
વિજ્ઞાન અને ટેકનોલોજી મંત્રાલય વતી ડૉ. જિતેન્દ્ર સિંહ દ્વારા આંબેડકર ઇન્ટરનેશનલ સેન્ટર ખાતે આવી જ રક્તદાન શિબિર શરૂ કરવામાં આવી હતી.
ભારત સરકારના કર્મચારી, જાહેર ફરિયાદ અને પેન્શન મંત્રાલય દ્વારા ભારતીય રેડ ક્રોસ સોસાયટીના સહયોગથી આયોજિત સ્વૈચ્છિક રક્તદાન શિબિરમાં સંબોધન કરતા, ડૉ. જિતેન્દ્ર સિંહે રાષ્ટ્રીય કલ્યાણ પ્રત્યે મંત્રાલયની પ્રતિબદ્ધતા પર ભાર મૂક્યો હતો. તેમણે જણાવ્યું હતું કે આ મંત્રાલય આવી પહેલ શરૂ કરનાર મંત્રાલયોમાં પ્રથમ છે, જે ફક્ત કર્મચારીઓના સંચાલન પર જ નહીં પરંતુ તાલીમ, ક્ષમતા નિર્માણ અને નાગરિકોમાં કરુણાપૂર્ણ ભાવનાને પ્રોત્સાહન આપવા પર પણ ધ્યાન કેન્દ્રિત કરે છે.
ડૉ. જિતેન્દ્ર સિંહે દાતાઓ સાથે વ્યક્તિગત રીતે વાતચીત કરી, તેમની નિ:સ્વાર્થ સેવાને બિરદાવી અને રક્તદાનને લગતી સામાન્ય ગેરમાન્યતાઓને દૂર કરી, એક પ્રખ્યાત એન્ડોક્રિનોલોજિસ્ટ તરીકેની તેમની તબીબી કુશળતાનો ઉપયોગ કર્યો હતો.
મંત્રીએ એવી પણ જાહેરાત કરી કે આગામી અઠવાડિયામાં કર્મચારી, જાહેર ફરિયાદ અને પેન્શન મંત્રાલય હેઠળના તમામ વિભાગો અને સંસ્થાઓમાં સમાન રક્તદાન શિબિરોનું આયોજન કરવામાં આવશે. આ પ્રયાસોનો ઉદ્દેશ્ય એક મજબૂત અને વૈવિધ્યસભર રાષ્ટ્રીય રક્ત પૂલ સ્થાપિત કરવાનો છે. જેને કટોકટી દરમિયાન ઝડપથી એકત્રિત કરી શકાય.
“આ પહેલ પ્રધાનમંત્રી નરેન્દ્ર મોદીના વિઝનને પ્રતિબિંબિત કરે છે, જેમના રાષ્ટ્ર સેવા પ્રત્યેના સંકલ્પ અને પ્રતિબદ્ધતાને આ નાના છતાં અર્થપૂર્ણ પગલા દ્વારા સમર્થન આપવાનો અમને ગર્વ છે,” ડૉ. સિંહે ઉમેર્યું હતું.
કર્મચારી, જાહેર ફરિયાદ અને પેન્શન મંત્રાલય ભારતીય રેડ ક્રોસ સોસાયટી, તમામ સહભાગી સંસ્થાઓ અને આ ઉમદા કાર્યમાં યોગદાન આપનાર દરેક વ્યક્તિનો હૃદયપૂર્વક આભાર માને છે. આ મહત્વપૂર્ણ દિવસ ફક્ત ભારતીય વિજ્ઞાનની ભાવનાની ઉજવણી જ નથી કરતો. પરંતુ રાષ્ટ્ર નિર્માણ અને રાષ્ટ્રીય સેવા પ્રત્યે મંત્રાલયની ચાલુ પ્રતિબદ્ધતાને પણ પુન:પુષ્ટિ કરે છે.