અમૃતસર ખાતે સુવર્ણ મંદિરમાં બોમ્બની ધમકી મોકલવા બદલ ફરીદાબાદના એક સોફ્ટવેર ઈજનેરની ધરપકડ

પોલીસે જણાવ્યું હતું કે, પંજાબના અમૃતસરમાં સુવર્ણ મંદિર, શીખોના આદરણીય મંદિર, ને ઈમેલ દ્વારા બોમ્બથી ઉડાવી દેવાની પાંચ ધમકીઓના સંદર્ભમાં શુક્રવારે હરિયાણાના ફરીદાબાદ સ્થિત એક સોફ્ટવેર એન્જિનિયરની કસ્ટડી લેવામાં આવી છે.
આરોપી – ૨૪ વર્ષીય શુભમ દુબે, ને ૧૪ જુલાઈના રોજ શિરોમણી ગુરુદ્વારા પ્રબંધક સમિતિ (જીય્ઁઝ્ર) ને મોકલવામાં આવેલા પહેલા ધમકીભર્યા ઈમેલના સંદર્ભમાં પૂછપરછ માટે અટકાયતમાં લેવામાં આવ્યો છે.
આરોપી વિશે
અમૃતસર પોલીસ કમિશનર ગુરપ્રીત સિંહ ભુલ્લરે એક પત્રકાર પરિષદમાં બોલતા કહ્યું કે દુબેનો લેપટોપ અને ફોન જપ્ત કરવામાં આવ્યો છે. તેમણે નોંધ્યું હતું કે દુબે પાસે મ્ીષ્ઠર ડિગ્રી છે અને તે ઘણી કંપનીઓ સાથે કામ કરી ચૂક્યો છે. કમિશનરે એ પણ સ્પષ્ટતા કરી હતી કે દુબેનો અગાઉ કોઈ ગુનાહિત રેકોર્ડ નથી.
ભુલ્લરના જણાવ્યા મુજબ, દુબેને પંજાબ પોલીસના સાયબર ક્રાઈમ યુનિટ અને કેન્દ્રીય ગુપ્તચર એજન્સીઓની મદદથી શોધી કાઢવામાં આવ્યો હતો. જાેકે, તેની ઔપચારિક ધરપકડ કરવામાં આવી નથી.
કેસમાં વધુ પ્રગતિ: પોલીસ
અટકાયતને આંશિક સફળતા ગણાવતા ભુલ્લરે કહ્યું કે તપાસ ચાલુ છે અને આગામી દિવસોમાં વધુ પ્રગતિ થવાની અપેક્ષા છે.
આ ઘટનાના જવાબમાં, પંજાબના મુખ્યમંત્રી ભગવંત માને ગુરુવારે જનતાને અફવાઓનો શિકાર ન બનવા વિનંતી કરી અને રાજ્ય સુરક્ષા પ્રત્યે તેમની સરકારની પ્રતિબદ્ધતાને પુન:પુષ્ટિ આપી. ધમકીભર્યા ઈ-મેઈલ બાદ તેમણે ચંદીગઢમાં પોલીસ મહાનિર્દેશક ગૌરવ યાદવ સહિત વરિષ્ઠ પોલીસ અધિકારીઓ સાથે બેઠક યોજી હતી.
બુધવારે, જીય્ઁઝ્ર પ્રમુખ હરજિંદર સિંહ ધામીએ ખુલાસો કર્યો કે સર્વોચ્ચ ગુરુદ્વારા સંસ્થાને ૧૪ જુલાઈથી પાંચ ધમકીભર્યા ઈ-મેઈલ મળ્યા છે, જેમાં સુવર્ણ મંદિર પર હુમલાની ચેતવણી આપવામાં આવી છે. ધામીએ પ્રશ્ન કર્યો કે શું આ ધમકીઓ કોઈ વ્યગ્ર વ્યક્તિનું કામ છે કે કોઈ વ્યાપક ષડયંત્રનો ભાગ છે. તેમણે એવી પણ ચિંતા વ્યક્ત કરી કે આવી ધમકીઓનો હેતુ મંદિરની મુલાકાત લેતા ભક્તોમાં ભય ફેલાવવાનો હોઈ શકે છે.
પરિસ્થિતિ પર પ્રતિક્રિયા આપતા, કોંગ્રેસના નેતા અને પંજાબ વિધાનસભામાં વિરોધ પક્ષના નેતા, પ્રતાપ સિંહ બાજવાએ કહ્યું કે આ ધમકીઓ શીખ સમુદાય અને પંજાબના તમામ શાંતિપ્રિય નાગરિકો માટે ચિંતાજનક છે. શિરોમણી અકાલી દળ (એસએડી) ના પ્રમુખ સુખબીર સિંહ બાદલે પણ ધમકીભર્યા ઈ-મેઈલને ગંભીર ચિંતાનો વિષય ગણાવ્યો.