મેક્સિકોના ગલ્ફ કોસ્ટ પાસે ટ્રક અને બસ વચ્ચે ખતરનાક અથડામણ, ૨૭ લોકો ઘાયલ થયા, ઘણાના ઘટનાસ્થળે જ મોત

મેક્સિકોના અખાતના કિનારે બસ અને ટ્રક વચ્ચે ભયાનક અથડામણ થઈ હતી. સ્થળ પર ચીસો પડી હતી. અચાનક બનેલી આ ઘટનાથી ત્યાં હાજર લોકો સ્તબ્ધ થઈ ગયા હતા. ઘટના સ્થળે લોકો લોહી લુહાણ હાલતમાં આક્રંદ કરતા હતા. તેમાંથી ઘણાના ઘટનાસ્થળે જ મોત થયા હતા. બસની અંદર બેઠેલા કેટલાક લોકો બહાર નીકળવાની કોશિશ કરી રહ્યા હતા, પરંતુ તેમાંથી ઘણા લોકો ગંભીર રીતે ઘાયલ થયા હતા. આ દુર્ઘટનામાં ૮ લોકોના મોત થયા હતા અને ૨૭ લોકો ઘાયલ થયા હતા. વેરાક્રુઝ રાજ્યના અધિકારીઓએ જણાવ્યું હતું કે અકસ્માત રાજ્યની રાજધાની જલ્પા પાસે વહેલી સવારે થયો હતો.

તેમણે કહ્યું કે બસમાં મુસાફરી કરી રહેલા મોટાભાગના મુસાફરોને આ અકસ્માતમાં ઈજા થઈ છે. બસમાં મુસાફરો હતા. મૃતકોમાં ત્રણ પુરુષ, ચાર મહિલાઓ અને એક છોકરીનો સમાવેશ થાય છે. પોલીસ અધિકારીઓના જણાવ્યા અનુસાર, અકસ્માતમાં ઘાયલ ૨૭ લોકોને હોસ્પિટલમાં દાખલ કરવામાં આવ્યા છે. મૃતકના પરિવારજનોની હાલત ખરાબ છે, રડી રહ્યા છે. તેને તબીબોની દેખરેખ હેઠળ રાખવામાં આવ્યો છે. હાલ તેમની તબિયતમાં સુધારા અંગે કોઈ માહિતી નથી. મોટાભાગના ભોગ બનેલા મુસાફરો એડીઓ-લાઇન બસમાં મુસાફરી કરતા મુસાફરો હતા. હાલ આ ઘટના પાછળનું સ્પષ્ટ કારણ બહાર આવ્યું નથી. અકસ્માતના કારણની તપાસ કરવામાં આવી રહી છે. પ્રાથમિક રીતે, પહાડી વિસ્તારોમાં રસ્તાઓ પર ઘણા જાેખમી વળાંકોને કારણે અકસ્માતો થતા હોવાનું કહેવાય છે.