મહુવા નગરપાલિકા ખાતે ફ્રન્ટલાઈન કર્મચારીઓ માટે ફાયર, ઈમરજન્સી સેવા અને ફર્સ્ટ એઇડની તાલીમ યોજાઇ

પ્રાદેશિક કમિશનર નગરપાલિકાઓ, ભાવનગર ઝોનના માર્ગદર્શન હેઠળ મહુવા નગરપાલિકાના ઉપક્રમથી
શહેરી વિકાસ વર્ષની ઉજવણી અંતર્ગત મહુવા નગરપાલિકાના 105 કર્મચારીઓ/અધિકારીઓ માટે ફાયર, ૧૦૮/૧૧૨
ઈમરજન્સી સર્વિસીઝ અને ફર્સ્ટ એઈડની તાલીમનો કાર્યક્રમ યોજાયો હતો.
વર્ષ ૨૦૨૫ને ગુજરાત સરકાર દ્વારા શહેરી વિકાસ વર્ષ તરીકે ઉજવવાનું નક્કી કરવામાં આવેલ છે. જેના
Pillar-3 Good Governanceમાં અધિકારીઓ/કર્મચારીઓને જરૂરી તાલીમ આપવા ઉપર વિશેષ ભાર મુકાયો છે.
કોઈપણ કુદરતી આફત કે માનવ સર્જીત દુર્ધટના સમયે નગરપાલિકા કક્ષાએ સ્થાનિક સ્તરે આ ડીઝાસ્ટરનો પ્રથમ
પ્રતિભાવ ફ્રન્ટલાઈન વોરીયર તરીકે નગરપાલિકાના અધિકારીઓ/કર્મચારીઓએ આપવાનો થાય છે. જેથી
નગરપાલિકાઓના અધિકારીઓને/કર્મચારીઓને આ માટે સુસજ્જ કરવા આવશ્યક હોય છે. જે અન્વયે પ્રાદેશિક

કમિશનર, નગરપાલિકાઓ ભાવનગરના માર્ગદર્શન હેઠળ ભાવનગર જિલ્લાની 6 નગરપાલિકાઓ માટે ફાયર સેફ્ટી,
૧૦૮/૧૧૨ આવશ્યક સેવાઓ અને ફર્સ્ટ એઇડની તાલીમનું આયોજન કરવામાં આવેલ હતું.
તે પૈકી મહુવા નગરપાલિકામાં નગરપાલિકાના સભાખંડ ખાતે ફાયર સેફ્ટી, ૧૦૮ અને ૧૧૨ આવશ્યક
સેવાઓ અને ફર્સ્ટ એઈડ જેવી મહત્વની તાલીમ ચીફ ઓફિસર શ્રી પરાક્રમસિંહ ટી. મકવાણા ના માર્ગદર્શન હેઠળ
નગરપાલિકાના તમામ અધિકારીઓ અને કર્મચારીઓને આપવામાં આવી હતી. તાલીમનો લાભ કુલ 105
તાલીમાર્થીઓએ લીધો હતો.
રિજિયોનલ ફાયર કચેરીના વિનોદભાઈ જેઠવા અને તેમની ટીમ દ્વારા ફાયર સેફ્ટી અંગેની થિયરી અને
પ્રેક્ટિકલ ડિમોન્સ્ટ્રેશન દ્વારા સમજ આપી હતી. ઉદયભાઈ જોષી અને તેમની ટીમ દ્વારા ૧૦૮ અને ૧૧૨ આવશ્યક
સેવાઓ વિશે વિસ્તૃત સમજ આપી અને ૧૦૮ એમ્બ્યુલન્સ સેવામાં રાખવામાં આવતા વિવિધ સાધનો અંગે નિદર્શન
યોજવામાં આવ્યું હતું.
ઈન્ડીયન રેડક્રોસ સોસાયટીના ટ્રેનર ક્રિપાલભાઈ બારૈયાની ટીમ દ્વારા પ્રાથમિક સારવાર અંગે જેમ કે, દાઝી
જવું, પડી જવું, હાર્ટ એટેકના સમયે કૃત્રિમ શ્વાસોશ્વાસ (CPR) વગેરે બાબતે વિસ્તૃત થિયરી અને પ્રેક્ટિકલ દ્વારા
જાણકારી આપવામાં આવી હતી.