રોજગારીલક્ષી માર્ગદર્શન અને ઉજ્જવળ કારકિર્દી ઘડતર માટે જરુરીકૌશલ્ય વિકાસના હેતુસર અમરેલી ઔદ્યોગિક તાલીમ સંસ્થા ખાતેતા.૨૭ અને તા.૨૮ મે ના રોજ યોજાશે ‘સમર સ્કિલ ફ્રી વર્કશોપ-૨૦૨૫’

ધો.૦૮ પાસ કે તેથી વધુ લાયકાત ધરાવતા હોય તેવા ઉમેદવારોને રોજગારીલક્ષી માર્ગદર્શન મળી રહે અને તેમની ઉજ્જવળ કારકિર્દી ઘડતર માટે જરુરી કૌશલ્ય વિકાસના હેતુસર નિઃશુલ્ક કૌશલ્ય વર્ધન કેમ્પનું આયોજન છે.  

આગામી તા.૨૭ અને તા.૨૮ મે, ૨૦૨૫ના રોજ સવારે ૧૦:૦૦ થી બપોરે ૩.૦૦ કલાક થી અમરેલી  આઇ.ટી.આઇ. ખાતે યોજાનાર આ તાલીમ “FREE SUMMER SKILL WORKSHOP 2025” થી ઉમેદવારો વાકેફ થાય તેમજ તેઓને કારકિર્દી ઘડતર માટે વિશેષ માર્ગદર્શન મળી રહેશે.

કમ્પ્યુટર, સીવણ, ઇલેક્ટ્રિકલ, મિકેનિકલ, સિવિલ, કેમિકલ, હેલ્થ અને બ્યુટી પાર્લર જેવા વિવિધ ગ્રુપની ૦૨ દિવસની પ્રાયોગિક તાલીમ નિઃશુલ્ક કૌશલ્ય વર્ધન કેમ્પ અન્વયે આપવામાં આવશે. આ તાલીમ કાર્યક્રમ પૂર્ણ કરનાર તાલીમાર્થીઓને તે અંગેનું પ્રમાણપત્ર એનાયત થશે.
ધો.૦૮ પાસ કે તેથી વધુ લાયકાત ધરાવતા અને લાભ લેવા ઇચ્છતા તમામ ઉમેદવારો ૯૯૨૪૦ ૧૭૬૨૬ પર પોતાનું નામ લખી વ્હોટ્સ અપ મેસેજ કરી તા.૨૪ મે, ૨૦૨૫ સુધીમાં રજિસ્ટ્રેશન કરાવવું, આ અંગેની વિગતો અને માર્ગદર્શન પણ આ નંબર પરથી મેળવી શકાશે, તેમ અમરેલી ઔદ્યોગિક તાલીમ સંસ્થાના આચાર્યશ્રી તેજલબેન ભટ્ટે એક યાદીમાં જણાવ્યું છે.