ગુજરાત રમખાણોના પીડિત ઝાકિયા જાફરીએ ૮૬ વર્ષની વયે અમદાવાદમાં લીધા અંતિમ શ્વાસ

ઝાકિયા જાફરીનું ૮૬ વર્ષે નિધન, તે કોંગ્રેસ નેતા એહસાન જાફરીના પત્ની હતા. ૨૦૦૨ના ગુજરાત રમખાણો દરમિયાન ગુલબર્ગ હાઉસિંગ સોસાયટીમાં ૬૮ અન્ય લોકો સાથે એહસાન જાફરીનું મોત થયું હતું. ગુજરાત રમખાણો પીડિત ઝાકિયા જાફરીનું અવસાન થયું છે. તે કોંગ્રેસ નેતા એહસાન જાફરીના પત્ની હતા. ૨૦૦૨ના ગુજરાત રમખાણો દરમિયાન ગુલબર્ગ હાઉસિંગ સોસાયટીમાં ૬૮ અન્ય લોકો સાથે એહસાન જાફરીનું મોત થયું હતું. ઝાકિયા જાફરીએ કાનૂની લડાઈ લડી, રાજ્યના વરિષ્ઠ અધિકારીઓ સામે તપાસની માંગ કરી, અને રમખાણો પાછળ મોટા કાવતરાનો આરોપ લગાવ્યો.

ઝાકિયા જાફરીનું અવસાન વય સંબંધિત સમસ્યાઓના કારણે થયું. તેમણે અમદાવાદમાં અંતિમ શ્વાસ લીધા. તેમણે ૮૬ વર્ષના હતા. ૨૦૨૩ સુધી, ઝાકિયા ગુલબર્ગ સોસાયટીમાં તેમના ઘરના અવશેષોની મુલાકાત લેતા હતા. ૨૦૦૬ થી ગુજરાત સરકાર સામે લાંબી કાનૂની લડાઈને કારણે તે પીડિતો માટે ન્યાય માટેની લડાઈનો ચહેરો બન્યા હતા.

ઝાકિયા જાફરીના પુત્ર તનવીર જાફરીએ મીડિયા સૂત્રોને જણાવ્યું હતું કે, મારી માતા અમદાવાદમાં મારી બહેનના ઘરે ગયા હતા. તેમણે સવારનો નિત્યક્રમ પૂર્ણ કર્યો અને તેમના પરિવારના સભ્યો સાથે સામાન્ય રીતે વાતચીત કરી હતી. આ સમય દરમિયાન તેમણે અસ્વસ્થતા અનુભવવાની ફરિયાદ કરી. ડોક્ટરોને બોલાવવામાં આવ્યા. સવારે લગભગ ૧૧.૩૦ વાગ્યે તેમને મૃત જાહેર કરવામાં આવ્યા હતા.