અમેરિકામાં પૈસા કમાઇ ભારત મોકલશો તો ૩.૫% ટેક્સ લાગશે

શરૂઆતમાં આ ટેક્સ રેટ ૫% હતો, પરંતુ વધુ વિવાદ થતા ઘટાડીને ૩.૫% કરવામાં આવ્યો

અમેરિકી રાષ્ટ્રપ્રમુખ ડોનાલ્ડ ટ્રમ્પે ફરી એક નવો ઠરાવ પસાર કર્યો છે જેમાં, યુએસ હાઉસ ઓફ રિપ્રેઝન્ટેટિવ્સે ૨૨ મેના રોજ ‘વન બિગ, બ્યુટીફુલ બિલ એક્ટ‘ પાસ કર્યો. આ બિલ મુજબ, અમેરિકામાં કામ કરતા વિદેશી નાગરિકો દ્વારા તેમના દેશમાં મોકલવામાં આવતા પૈસા (રેમિટન્સ) પર ટેક્સ લાદવામાં આવશે.
શરૂઆતમાં આ ટેક્સ રેટ ૫% હતો, પરંતુ વધુ વિવાદ થતા ઘટાડીને ૩.૫% કરવામાં આવ્યો છે. આની સૌથી મોટી અસર ભારતીય ઇમિગ્રન્ટ્સ અને ભારતીય અર્થતંત્ર પર પડશે, કારણ કે અમેરિકાથી સૌથી વધુ રેમિટન્સ ભારતમાં આવે છે. સેનેટ દ્વારા પસાર થયા બાદ આ કાયદો ૧ જાન્યુઆરી, ૨૦૨૬ થી અમલમાં આવશે.
આ એક નવું ટેક્સ બિલ છે, જે અમેરિકામાં કામ કરતા વિદેશી લોકોને લાગુ પડતું આ એક નવી ટેક્સ બિલ છે. આ અંતર્ગત, અમેરિકામાં કામ કરતા વિદેશી નાગરિકો પોતાના દેશમાં પૈસા મોકલે છે, તો તે રકમ પર ૩.૫% ટેક્સ ચૂકવવો પડશે. શરૂઆતમાં આ ટેક્સ રેટ ૫% રાખવાનો પ્રસ્તાવ હતો, પરંતુ વિવાદ બાદ તેને ઘટાડીને ૩.૫% કરવામાં આવ્યો.
એટલે કે જાે હવે અમેરિકાથી રૂ. ૧,૦૦,૦૦૦ મોકલવામાં આવે છે, તો ૩.૫% ટેક્સ મુજબ રૂ. ૩૫૦૦ ટેક્સ ચૂકવવાનો રહેશે.
ભારત અમેરિકાથી સૌથી વધુ રેમિટન્સ મેળવે છે. ૨૦૨૩-૨૪માં ભારતને કુલ ૧૩૦ બિલિયન ડોલરનું રેમિટન્સ મળ્યું હતું, જેમાંથી ૨૩.૪% (૩૦ બિલિયન ડોલર) અમેરિકાથી આવ્યું હતું. ૩.૫% ટેક્સના કારણે ભારતીય ઇમિગ્રન્ટ્સને દર વર્ષે ૧.૦૫ બિલિયન ડોલર એટલે કે ૮૭૫૦ કરોડ રૂપિયાનો વધારાનો બોજ પડશે, જેની સીધી અસર ભારતના અર્થતંત્ર, રિયલ એસ્ટેટ અને રોકાણ પર પડશે. આ ટેક્સનો મુખ્ય ઉદ્દેશ યુએસ સરકાર માટે વધારાની આવક ભેગી કરવાનો છે.