ઇફકોના અધ્યક્ષ દિલીપ સંઘાણીએ આંધ્ર પ્રદેશના મુખ્યમંત્રી એન. ચંદ્રાબાબુ નાયડુ સાથે શુભેચ્છા મુલાકાત કરી

ઇફકો કિસાન SEZ પ્રોજેક્ટ રાજ્યના ઔદ્યોગિક વિકાસ માટે

મહત્વપૂર્ણ છે : મુખ્યમંત્રી શ્રી ચંદ્રાબાબુ નાયડુ

ઇફકો કિસાન SEZના વિકાસ અંગે વ્યાપક અને ઊંડાણપૂર્વકની

ચર્ચા થઈ : દિલીપ સંઘાણી

મુખ્યમંત્રીશ્રીના સકારાત્મક અભિગમ અને ત્વરિત સહકાર બદલ

હૃદયપૂર્વક આભાર વ્યક્ત : દિલીપ સંઘાણી

ઇફકોના અધ્યક્ષ શ્રી દિલીપ સંઘાણીએ આજે આંધ્ર પ્રદેશના
મુખ્યમંત્રી શ્રી એન. ચંદ્રાબાબુ નાયડુ સાથે મુલાકાત કરી અને
ઇફકો કિસાન SEZના વિકાસ કાર્યોને આગળ ધપાવવા અંગે
અત્યંત સારગર્ભિત અને સકારાત્મક ચર્ચા કરી. મુખ્યમંત્રીએ શ્રી
દિલીપ સંઘાણીનું સ્વાગત કરી સૌજન્ય વ્યક્ત કર્યું. બેઠક
દરમિયાન પ્રોજેક્ટની વર્તમાન પ્રગતિ, ભવિષ્યની સંભાવનાઓ

અને રાજ્ય સરકાર તરફથી વધારાના સહકારને વધુ મજબૂત
બનાવવાના મુદ્દાઓ પર ચર્ચા કરી.

મુખ્યમંત્રી શ્રી ચંદ્રાબાબુ નાયડુએ ઇફકો કિસાન SEZ પ્રોજેક્ટ
રાજ્યના ઔદ્યોગિક વિકાસ માટે ખૂબ જ મહત્વપૂર્ણ હોવાનું
જણાવ્યું અને સંબંધિત અધિકારીઓને પ્રોજેક્ટ માટે જરૂરી તમામ
સહકાર અને કાર્યવાહી તાત્કાલિક આપવાના નિર્દેશો આપ્યા. શ્રી
દિલીપ સંઘાણીએ મુખ્યમંત્રીશ્રીના સકારાત્મક અભિગમ તથા
તાત્કાલિક સહકાર બદલ હૃદયપૂર્વક આભાર વ્યક્ત કરતાં
જણાવ્યું કે રાજ્ય સરકારના આ સમર્થનથી પ્રોજેક્ટને નવી ગતિ
મળશે તથા ક્ષેત્રના ઔદ્યોગિક અને આર્થિક વિકાસને મજબૂત
આધાર મળશે.

બેઠકમાં આંધ્ર પ્રદેશના ઉદ્યોગ મંત્રી શ્રી ટી.જી. ભારત, ઉદ્યોગ
વિભાગના સચિવ ડૉ. એન. યુવરાજા (IAS), ઇફકાના મેનેજિંગ
ડિરેક્ટર શ્રી કે.જે. પટેલ, સંયુક્ત મેનેજિંગ ડિરેક્ટર શ્રી રાકેશ
કપૂર, ઇફકો કિસાન SEZના મેનેજિંગ ડિરેક્ટર શ્રી ટી. સુધાકર
અને નેલ્લોરના કલેક્શનર શ્રી હિમાંશુ શુક્લા (IAS) ઉપસ્થિત
રહ્યા.