માત્ર ૬ દિવસમાં પુષ્પા ૨ ફિલ્મે ૧૦૦૦ કરોડની કમાણી કરી રેકોર્ડ બનાવ્યો

અલ્લુ અર્જુનની પુષ્પા ૨ ફિલ્મે બોક્સ ઓફિસ પર ધમાલ મચાવી દીધી છે. ફિલ્મે રિલીઝ થયાના ૭માં દિવસે દુનિયાભરમાં ૧૦૦૦ કરોડની કમાણીનો આંકડો પાર કરી એક નવો રેકોર્ડ બનાવ્યો છે. આખું વર્ષ ચાહકો બોકસ ઓફિસ પર હિટ ફિલ્મની રાહ જાેઈ રહ્યા હતા, હવે પુષ્પા ૨એ પૈસાનો વરસાદ કરી નાંખ્યો છે. એવું લાગી રહ્યું છે કે, આ ફિલ્મે એક જ ઝટકામાં આખા વર્ષનું બેલેન્સ બરાબર કરી લીધું છે. શેક્નીલના રિપોર્ટ મુજબ પુષ્પા ૨એ ૭માં દિવસે ૪૨ કરોડની કમાણી કરી હતી. તમને જણાવી દઈએ કે, ફિલ્મ ભલે તેલુગુ હોય પરંતુ આપણા હિન્દી ચાહકોને ખુબ પસંદ આવી છે.

૭માં દિવસે હિન્દીમાં પુષ્પા ૨એ અંદાજે ૩૦ કરોડ રુપિયાની કમાણી કરી હતી. જ્યારે તેલુગુમાં અંદાજે ૯ કરોડનું કલેક્શન થયું હતુ. હવે તમે જાણી શકો છો કે, ફિલ્મનું ટ્રેલર પટનામાં કેમ લોન્ચ કરવામાં આવ્યું હતુ. આપણે વાઈલ્ડવાઈડના આંકડા પર નજર કરીએ તો આ ફિલ્મે માત્ર ૭ દિવસની અંદર ૧૦૦૦ કરોડનો આંકડો પાર કરી લીધો છે. હજુ આ ફિલ્મ દુનિયાભરમાં કલેક્શન કરી રહી છે. આ સાથે અલ્લુ અર્જુન અને રશ્મિકાના નામે દુનિયાભરમાં ૧૦૦૦ કરોડની કમાણી કરનારી સૌથી ઝડપી ભારતીય ફિલ્મ બનાવવાનો રેકોર્ડ પણ બની ગયો છે. તમને જણાવી દઈએ કે, આ ફિલ્મે એસએસ રાજામૌલીની ઓલટાઈમ બ્લોકબસ્ટર બાહુબલી ૨ને પણ પાછળી છોડી છે. પુષ્પા ૨, બાહુબલી ૨ , આરઆરઆર અને કલ્કિ ૨૮૯૮ એડી બાદ ગ્લોબલ બોક્સ ઓફિસ પર ૧૦૦૦ કરોડ કે તેનાથી વધારે કમાણી કરનારી ૮મી ભારતીય ફિલ્મ બની ગઈ છે. ચોથી તેલુગુ ફિલ્મ બની છે.