રૂ.૮૦ લાખના ખર્ચે તૈયાર થનાર વેન્ટીલેટેડ કોઝ-વેનું ભુમિપુજન કરતા : શ્રી કસવાલા

ઘાંડલા ગામના વિકાસને વધુ વેગ આપતાં, ધારાસભ્યશ્રી મહેશભાઇ કસવાલાએ આજે ઘાંડલાથી દોલતી-ભાક્ષી જામવાળી નદી ઉપર રૂ. 80 લાખના ખર્ચે તૈયાર થનાર વેન્ટીલેટેડ કોઝ-વેનું ભૂમિપૂજન કર્યું હતું. આ નવી સગવડ થી ગામના લોકોની રાહત તથા આજુબાજુના વિસ્તારોમાં જનસાધારણ માટે નવા
રસ્તાના દરવાજા ખોલી રહ્યા છે. આ પ્રસંગે ગ્રામજનોમાં ભારે ઉત્સાહ જોવા મળ્યો હતો. આ વેન્ટીલેટેડ કોઝ- વેનું નિર્માણ થવાથી ઘાંડલા અને આસપાસના ગામોના લોકોને અવરજવરમાં મોટી રાહત મળશે. ચોમાસા દરમિયાન નદીમાં પાણી ભરાઈ જવાને કારણે લોકોને પડતી મુશ્કેલીઓનો અંત આવશે. આ ઉપરાંત, ખેડૂતોને પણ પોતાના ખેતરોમાં જવા-આવવા માટે સરળતા રહેશે. આ અનુરૂપ, રૂ. ૮૦ લાખના ખર્ચે વિકસાવવામાં આવતો વેન્ટીલેટેડ કોઝ-વે દેશની બેઝિક ઈન્ફ્રાસ્ટ્રક્ચરવાળી જરૂરિયાતોને ધ્યાનમાં રાખીને બનાવવામાં આવી રહ્યો છે. આ યોજના તે વિસ્તારની યાત્રા વ્યવસ્થા અને વાહનચાલકો માટે ભવિષ્યમાં અદ્વિતીય સગવડતા પ્રદાન કરશે. આ પ્રસંગે ધારાસભ્યશ્રી કસવાલાએ જણાવ્યું હતું કે,આ વેન્ટીલેટેડ કોઝ-વેનું નિર્માણ એ ગામના વિકાસ માટે એક
મહત્વપૂર્ણ પગલું છે.આ કોઝ-વેથી લોકોને રોજિંદા જીવનમાં સરળતા રહેશે અને ગામનો વિકાસ પણ ઝડપી બનશે. આજે જ્યારે ભૂમિપુજન કરવામાં આવ્યું ત્યારે ગામના મોટી સંખ્યામાં લોકો ઉપસ્થિત રહ્યા હતા. આ એના માટે ખુશીનો અવસર બન્યો હતો, કારણ કે આ વિકસીત રસ્તાઓ વિસર્જનની ક્ષમતા ધરાવતાં છે અને અનેક મોટી સમસ્યાઓના નિવારણ માટે નવા મોજું ફૂંકાવશે. આ ભૂમિપૂજન સમારોહમાં તાલુકા પંચાયતના પ્રમુખશ્રી જીતુભાઇ કાછડીયા,તાલુકા ભાજ૫ પ્રમુખશ્રી હિતેશભાઇ ખાત્રાણી,એ.પી.એમ.સી.ચેરમેન શ્રી દિપકભાઇ માલાણી,જીલ્લા પંચાયતના સદસ્યશ્રી લાલભાઇ મોર તથા શરદભાઇ ગૌદાની તથા તાલુકા ભાજ૫પૂર્વ પ્રમુખશ્રી જીવનભાઇ વેકરીયા,તાલુકા પંચાયતના ચેરમેનશ્રી ઘુસાભાઇ વાણીયા,તાલુકા પંચાયતના સદસ્યશ્રીવિજયભાઇ ચાવડા,સરપંચશ્રી કાળુભાઇ કાતરીયા તેમજ અન્ય આગેવાનો અને મોટી સંખ્યામાં ગ્રામજનો ઉપસ્થિત રહ્યા હતા. ગ્રામજનોએ આ વિકાસ કાર્ય બદલ ધારાસભ્યશ્રી કસવાલાનો આભાર માન્યો હતો. તેવુ સત્વ અટલધારા કાર્યાલયના ઇન્ચાર્જ જે.પી. હીરપરાએ અખબારી યાદીમાં જણાવ્યું છે.