ઘણા સ્ટાર્સે મુફાસા ધ લાયન કિંગમાં પોતાનો અવાજ આપ્યો

શાહરૂખ ખાને ‘મુફાસાઃ ધ લાયન કિંગ’ના હિન્દી વર્ઝનમાં મુફાસાના પાત્રને પોતાનો અવાજ આપ્યો છે. તે જ સમયે તેમના પુત્ર આર્યનએ સિમ્બાના પાત્રને પોતાના અવાજમાં ડબ કર્યું છે. શાહરૂખનો સૌથી નાનો પુત્ર અબરામ ખાન પણ આ ફિલ્મનો ભાગ બન્યો છે, તેણે બેબી મુફાસાનો અવાજ ડબ કર્યો છે. શાહરૂખ ખાનના નાના પુત્ર અબરામનો આ પહેલો બોલિવૂડ પ્રોજેક્ટ હશે. સંજય મિશ્રા બોલિવૂડમાં ગંભીર પાત્રો ખૂબ સારી રીતે ભજવે છે,

પરંતુ તેમના દ્વારા ભજવવામાં આવેલા કોમેડી પાત્રો દર્શકોને વધુ પસંદ આવે છે. આ જ કારણ છે કે તે ફિલ્મ ‘મુફાસા ધ લાયન કિંગ’માં પુમ્બા નામના પાત્રને પોતાનો અવાજ આપી રહ્યો છે. ફિલ્મમાં પુમ્બા એક મજેદાર પાત્ર છે. સંજય મિશ્રાએ પુમ્બાના રમુજી પાત્રને પોતાનો અવાજ આપ્યો છે, જ્યારે શ્રેયસ તલપડેએ પુમ્બાના મિત્ર ટિમોનને પોતાનો અવાજ આપ્યો છે. પુમ્બા અને ટિમોન સિમ્બાના નજીકના મિત્રો છે. પુમ્બા અને ટિમોન હંમેશા ખુશ રહે છે અને બંને ફિલ્મમાં એવી એક્ટિવિટીઝ કરતા રહે છે, જેનાથી દર્શકો હસવા લાગે છે. મકરંદ દેશપાંડેએ ‘મુફાસાઃ ધ લાયન કિંગ’માં રફીકીના પાત્રને પોતાનો દમદાર અવાજ આપ્યો છે. મિયાંગ ચાંગ ટાકાનો અવાજ આપે છે. આ તમામ બોલિવૂડ કલાકારોના અવાજને કારણે હિન્દીમાં ‘મુફાસાઃ ધ લાયન કિંગ’ જાેવાની ઉત્તેજના વધુ વધી જાય છે.