સુરતમાંથી ૨.૫૦ કરોડથી વધુની નકલી ચલણી નોટો ઝડપાઈ, સુરત ડીંડોલી પોલીસે ૩ આરોપીની ધરપકડ કરી

સુરત જાણે દિવસે દિવસે ક્રાઈમ સિટી બનતી જતી હોય તેવી ઘટનાઓ સતત બહાર આવી રહી છે. સુરતમાંથી બોગસ ડોકટરો બાદ હવે ૨.૫૦ કરોડથી વધુની નકલી ચલણી નોટો ઝડપાઈ છે. સુરતના ડીંડોલી પોલીસે ૩ આરોપીઓને નકલી ચલણી નોટ સાથે ઝડપી પાડ્યા છે. મુંબઈથી બનાવટી નોટોનું સુરતમાં ઘુસાડવાનું કાવતરું કરાયાનો આરોપ લગાવવામાં આવી રહ્યો છે. નકલી નોટને બેંક સહિત અન્ય જગ્યા પર આપી છેતરપિંડી આચરવાનું કારસ્તાન ઘડાયુ હોવાનું સામે આવી રહ્યું છે. ગેંગ નોટના બંડલમાં પહેલી અને છેલ્લી નોટ અસલી રાખતા હતા. જ્યારે બંડલની વચ્ચે બનાવટી નોટો રાખી છેતરપિંડી આચરતા હતા. નીયોલ ચેકપોસ્ટ નજીકથી નકલી નોટ સાથે આરોપી ઝડપાયા હતા. ૫૦૦ થી ૨૦૦ના દરની નકલી નોટો જપ્ત કરવામાં આવી છે.