fbpx
રાષ્ટ્રીય

સુપ્રિમ કોર્ટે કોલકાતા પોલીસને ઠપકો આપ્યો સરકારની ટીકા કરવા માટે સામાન્ય નાગરિકોને પ્રતાડિત કરી શકાય નહીંઃ સુપ્રિમ

સુપ્રીમ કોર્ટે પોલીસને ઠપકો આપતા ‘લાઈન ક્રોસ કરશો નહીં, ભારતને એક સ્વતંત્ર દેશ રહેવા દો, દેશમાં દરેકને બોલવાની સ્વતંત્રતા છે, અમે સુપ્રીમ કોર્ટ તરીકે અભિવ્યક્તિની સ્વતંત્રતાના હક્કને સુરક્ષિત રાખવા માટે ત્યાં છીએ

સુપ્રીમ કોર્ટે એક કેસમાં કોલકાતા પોલીસને ઠપકો આપતાં કે સરકારની ટીકા કરવા માટે સામાન્ય નાગરિકોને પ્રતાડિત કરી શકાય નહીં. હકીકતમાં, દિલ્હીની રહેવાસી એક મહિલાને કોલકાતા પોલીસે કથિતરુપે વાંધાજનક ફેસબુક પોસ્ટ માટે સમન મોકલ્યું હતું. મહિલાએ કોરોના મહામારી વચ્ચે કોલકાતાના ભીડભાડવાળા રાજા બજાર વિસ્તારની તસવીર શેર કરીને લોકડાઉન નિયમોને લઈને મમતા સરકારની શિથિલતા પર સવાલ ઉઠાવ્યા હતા.
સુપ્રીમ કોર્ટના જસ્ટીસ ડી વાય ચંદ્રચુડ અને ઈન્દિરા બેનર્જીની ખંડપીઠે કે જાે રાજ્યોની પોલીસ આ રીતે સામાન્ય લોકોને સમન્સ આપવાનું શરૂ કરી દેશે તો તે એક જાેખમી પરંપરા બની જશે. આવા કિસ્સામાં ન્યાયાલયે આગળ વધીને બંધારણની કલમ ૧૯ (૧) એ હેઠળ દરેક નાગરિકને આપવામાં આવેલ અભિવ્યક્તિની સ્વતંત્રતાના હકનું રક્ષણ કરવું પડશે.
સુપ્રીમ કોર્ટે પોલીસને ઠપકો આપતા કે, ‘લાઈન ક્રોસ કરશો નહીં. ભારતને એક સ્વતંત્ર દેશ રહેવા દો. ભારતમાં દરેકને બોલવાની સ્વતંત્રતા છે અને અમે સુપ્રીમ કોર્ટ તરીકે અભિવ્યક્તિની સ્વતંત્રતાના હક્કને સુરક્ષિત રાખવા માટે ત્યાં છીએ. બંધારણમાં સુપ્રીમ કોર્ટની રચના આ કારણોસર જ કરવામાં આવી છે કે સરકાર સામાન્ય નાગરિકોને હેરાન ન કરી શકે.’
કલકત્તા હાઈકોર્ટના ચુકાદા સામે એડવોકેટ મહેશ જેઠમલાણી દ્વારા દિલ્હીની રોશની બિસ્વાસ નામની ૨૯ વર્ષની મહિલાએ સુપ્રીમ કોર્ટમાં અરજી કરી હતી. હાઈકોર્ટે મહિલાને કોલકાતા પોલીસ સમક્ષ હાજર રહેવા હતું, જેમાં તેણે રાજાબજાર વિસ્તારમાં લોકડાઉનના નિયમોની ઐસિતૈસી કરવા બદલ મમતા સરકારની ટીકા કરી હતી.
પોલીસે વિશેષ સમુદાય વિશે નફરત ફેલાવવા બદલ મહિલા સામે એફઆઈઆર દાખલ કરી હતી. કોર્ટની સુનાવણી દરમિયાન પશ્ચિમ બંગાળ સરકારના કાઉન્સિલ આર બંસતે કહ્ય્šં હતું કે મહિલાની માત્ર પૂછપરછ કરવામાં આવશે, તેની ધરપકડ કરવામાં આવશે નહીં. આ તરફ સુપ્રીમ કોર્ટની બેંચે , ‘તે એક નાગરિકની અભિવ્યક્તિની સ્વતંત્રતાના અધિકારને ધમકાવવા જેવું છે. કોઈની સામે પણ કેસ ચલાવી શકાતો નથી કારણ માત્ર કે તેણે છે કે લોકડાઉન નિયમો યોગ્ય રીતે પાલન નથી કરવામાં આવ્યું.
સુપ્રીમ કોર્ટે વધુમાં કે, ‘સરકારની ટીકા કરતા સોશ્યલ મીડિયા પોસ્ટના કારણે દેશના નાગરિકોને એક જગ્યાએથી બીજી જગ્યાએ દોડાવીને પરેશાન કરી શકાય નહીં. તે નાગરિકના અભિવ્યક્તિની સ્વતંત્રતાના અધિકારને ધમકાવવા જેવું છે.
રાજ્ય સરકારના વકીલે આગ્રહ રાખ્યો હતો કે મહિલાને પોલીસ સમક્ષ હાજર થવું જાેઈએ, જેના પર સુપ્રીમ કોર્ટે આકરી ટિપ્પણી કરતાં હતું કે ‘જાણે તમે તે મહિલાને એવું અનુભવ કરાવવા માગતો હોવ કે તેણે સરકાર વિરુદ્ધ લખવાની હિંમત જ કેવી રીતે કરી, અમે સમન્સના નામે તેને દેશના કોઈપણ ખૂણાથી દોડાવીને બોલાવી શકીએ છીએ.’ પરંતુ સુપ્રીમ કોર્ટ તરીકે અમે તે નહીં થવા દઈએ.

Follow Me:

Related Posts